DÍLI----Relasiona ba projetu edukasaun ba eskola sira atu halo reabilitasaun kona-ba ambiente eskola no sala aula, governu Japaun apoiu Órsamentu hamutuk dollar $90.000. Embaixador Japaun Shingo Higashimoto sente kontente ho kolaborasaun ida ne’e, papel impotante mak atu suporta malu haré ba servisu asistensia sosiál iha Timor-Leste.

“Ha’u kontente ho tebes hodi partisipa iha serimonia iha serimonia ne’e asina kontratu hosi programa fundu asistensia umanitaria ba komunidade sira (GGP), durante tinan rua nulu kooperasaun entre Japaun no Timor-Leste, programa GGP hola papel importante hodi suporta ba melloramentu no espansaun prestasaun servisu asistensia sosiál sira iha Timor-Leste,”dehan Shingo Higashimoto ba jornalista sira iha Salaun embaixador Japaun, Pantai Kelapa, Tersa (04/02).

Projetu ne’e sei implementa ba eskola iha distritu sanulu resin rua inklui RAEOA, atu halo reabilitasaun ba fasilidade edukasaun iha postu sira, no inklui Klinika, Bee-Moos atu responde netik komunidade sira nia nesesidade. “Programa GGP implememnta ona projetu atus ida sanulu-resin-tolu (113) iha munisipiu 12 inklui RAEOA, ne’ebé fó asistensia barak liu mak aréa sira hanesan halo kontrusaun no reabilitasaun ba fasilidade edukasaun, iha postu saúde sira no sitema Bee-Moos hodi responde ba nesesidade baziku komunidade nian iha baze,”esplika nia

Nia hato’o nia profunda ba ONG lokál IMI no FFHF nia esforsu no nia proposta hetan ona aprovasaun, maske foin hahu projetu ne’e iha esperansa katak projetu ne’e sei susesu. “Ha’u hakarak hato’o ha’u nia apresiasaun profunda ba ONG lokál, institu Matadal Integradu (IMI), no Fundasaun Feto Hadomi Familia (FFHF), ha’u hatene katak IMI ho FFHF investe ona tenpu barak no esforsu boot to’o sira nia proposta hetan aprovasaun, maske ita boot sira nia projetu foin mak hahu, atu bele implementa projetu ne’e ho susesu,” katak nia

Iha fatin hanesan Ministra Edukasuan Juventude Desportu Dulce De Jesus Soares hateten, asaun ne’ebé ONG sira halo ne’e pojetivu liuba eskola sira iha munispiu hamutuk 1811 presisa atu halo reabilitasaun. “MEJD sempre halo komperasaun ho ONG sira, ne’e asaun ida-ne’ebé di’ak tebtebes hanesan ita hotu hatene katak, MEJD hamutuk mai iha 1811 eskola ho nia sala ne’ebé barak no presisa teb-tebes atu konstrui, no halo reablita no balun tenke halo foun, maibe ho limitasaun ne’ebé mak governu iha, tina-tinan ita halo nafatin maibe mós kontinua presiza nafatin apoio hosi parseiru sira,” hatete Dulce de Jesus

Ministra edukasaun Juventude Desportu hato’o nia agradesimentu ba governu no povu Japaun nia ajuda ba Timor-Leste. “Ha’u agradese tebtebes ba povu Japaun liuhosi Embaixada Japaun iha Timor-Leste, ne’e katak mai hosi maun alin sira hosi Japaun sira ne’ebé selu taxa ba Governu Japaun no sira fó tutan mai ita,”agradese nia

Nia husu ba diretores sira atu bele kopera servisu ho di’ak ho momtante Órsamentu ne’ebé ohin ita simu, ne’e naton atu bele konstrui eskola no ba ONG rua ne’ebé mak, apresia ba ita nia koperasaun, konsege hamutuk ho MEJD identifika fasilidade sira ne’ebé mak itabele dehan katak prioridade teb-tebes.

Asina ona projetu GGP rua mak hanesan projetu konstrusaun eskola primaria sentral iha suku Mausae, Postu aadminitrativu Hatolia, munisipiu Ermera, implementa hosi ONG institu Matadal Integradu (IMI), no ida fali projetu konstrusaun Edifisiu eskola primaria iha suku Ainaro, posto administrativu Ainaro munisipiu Ainaro ne’ebé implementa hosi ONG Fundasaun Feto Hadomi Familia (FFHF) kada projetu ho total por volta USD$90.00 mill, hosi governu Japaun, projetu ne’e atu mellora asistensia edukasaun no ambiente sanitasaun ba estudante menoridade sira. (BT)