DÍLI----Relasiona ho infraestrutura bazika iha area rurais ohin loron, seidauk hatan ba komunidade sira, ho nune’e liu husi Uniaun Europeia (UE) oras ne’e dadaun hahú apoiu setór privadu ne’ebé kualifikadu hodi bele atende nesesidade infrastrutura komunidade sira iha area rurais.

Maske ohin loron Timor¬-Leste hetan ona independensia tinan-17 ho balun maibe nesesidade bazika hanesan infraestrutura iha area rurais seidauk extende nafatin hodi bele hatan ba komunidade sira.

Tuir Embaixador Uniaun Europeia ba Timor-Leste Andrew Jacobs hatete Ohin loron UE hakarak apoiu setór privadu sira, apoiu setór privadu sira atu oinsa bele atende nesesidade infraestrutura komunidade nian iha area rurais no poiu ne’e liu husi setór privadu ida ne’ebé kualifikadu tanba hare ba area rurais sai hanesan mόs inisiativa ne’ebé financial no apoiu refere ho nia objetivu atu kria emprezas ba iha area konstrusaun habilitasaun no jestaun.

“Hau kontenti tebes apoiu setór privadu ida ne’ebé kualifikadu hodi bele atende ba nesesidade infraestrutura komunidade iha area rurais sira,” Lia hirak ne’e hato’o husi Embaixada Uniaun Europeia ba Timor-Leste Andrew Jacobs ba jornalista sira iha Dom Bosco Training Center, Kuarta (29/01).

Nia dehan, UE apoiu setór privadu liu husi florestal tanba florestal sai hanesan inisiativa ne’ebé finansial husi europeia objetivu atu kria emprezas ba iha area konstrusaun habilitasaun no jestaun. Nia haktuir, Pratikamente atu hametin espiritu emprendimentu turizmu feto sira nian hanesan forsa importante ba dezenvolmentu.

Tanba ne’e UE apoiu setór privadu liu husi projetu ERA-Florestal ho finansial montante dollar milalaun $13.2. Nia kontinua hateten, montante dolar milalaun $13.2 atu hala’o treinamentu ba kontrator sira, hamutuk ho governu sentral no offisial sira husi munisipalidade hodi rehabilita no superviza estradas rurais ne’ebé inklui ba area agri-floresta sira.

Nune’e parte husi treinamentu estrada ho kilomentru 55 fo ona ba kontrator treinadu sira hamutuk ema 25 mai husi munisipiu Baucau, Vikeke no Manatutu. “Kontrator treinadu sira ne’e halo ona estrada ho kilometru 30, hodi fornese mos servisu ba 90,000 traballadores kuaze 2,500 ne’ebé feto hamutuk ema 600 liu,” esplika nia.

Nia afirma, Projeitu ERA-Florestal kontinua lidera dezenvolvimentu no fó impaktu ba area agro-florestal sira liu husi kriasaun infraestrutura ne’ebé sustentavel no ligadu mos ba oportunidade servisu hodi utiliza rekursu lokal ne’ebé disponivel ho maneira ne’ebé balansu no responsavel.

Tanba ne’e, Estrada foun sira ne’ebé konstrui ona lori hela oportunidade foun ba komunidade hanesan ligasaun merkadu ba sira nia produtu agro-florestal, ne’e bele hare momos iha komunidade husi Defawasi-Uacala iha Baucau ne’ebé senti ona introdusaun ba transporte publiku (mikrolet) iha tinan liuba.

Nia kontinua hatutan, rezultadu husi dezenvolvimentu ba estrada hirak ne’e, Partisipante sira husi kursu ne’e mak hanesan Direitores, Enjineirus, no Supervisor sira ne’ebé hala’o hela treinamentu kompreensivu durante semana 10 nia laran iha Dili, husi loron 27 Janeiru too 8 Maiu 2020.

Nia afirma tan, Estradas importante tebes hodi fornese ligasaun, ba fatin no servisu sira neebe nesesariu, ba dezenvolvimentu agua florestal no fornesementu ba koneksaun sira ho merkadu. Alende ne’e mos indiretamente bele felisida mobilidade estudante sira no mos servisu saude ba komunidade eskolar sira.

Iha fatin hanesan Administrador Munisipiu Lautem Zeferino dos Santos haktuir tan, Uniaun Europeia apoiu Timor-Leste ne’e la’os parte ida ne’e deit, UE sempre apoiu iha parte barak ne’ebé sira fó apoiu ona. Maibe espesial ida ne’e apoiu sira oinsa bele loke ita nia komunidade sira iha area rurais, para bele asesu ba informasaun no buat hotu, ne’ebé Timor-Leste foin mak ukun ida ne’e.

“Durante ne’e Komunidade iha area rurais sira izoladu tanba estrada ladiak, media mos nunka tama hodi foti informasaun nune’e bele sirkula ba iha publiku inklui munisipiu mos media nunka bele ba, pior liutan sira area rurais,” dehan nia.

“Ho ida ne’e ita bo’ot sira bele hatene katak, “Kuandu loke ona asesu dalan ba sira, saida mak akontese ba dezenvolve ka saida mak akontese moris oinsa ita nia komunidade sira infrenta iha area rurais ita bele hatene. Kuandu hatene ona governu oinsa halo planu para bele halo mudansa moris iha ita nia komunidade sira iha area rurais,” afirma nia. (BT)