DÍLI----Cruz Vermelha Timor-Leste Inagura ona Sintina públiku rua ne’ebé ho kapasidade ba ema na’in 10 mak bele uza iha Largo Lecidere, maske orsamentu ba konstrusaun sentina ne’e ho montante ne’ebé ki’ik.

Tuir Prezidente Cruz Vermelha Maria do Ceu hatete durante Cruz Vermelha halo observasaun iha tasi ibun iha foer barak i area tasi ibun sa’e tiha ona kontaminadu liliu ba labarik sira no inan isin rua sira halimar iha ne’e sei hetan moras ruma, entaun Cruz Vermelha iha hanoin ida halo programa hodi tau preoridade oinsa bele resolve necesidade bazika ba publiku sira no Cruz Vermelha halo tiha programa ida ne’e, depois hetan orsamentu hosi Governu ki’ik tebes, tan ne’e Cruz Vermelha foti itoan hodi hadia uluk saida mak sai preoridade liu iha Dili liliu iha tasi ibun ne’ebé mak sai kontaminadu.

“Agora ita inagura Sintina ida ne’ebé sai realidade ho orsamentu kiik teb-tebes tanba na realidade iha fatin pubiku sira hanesan Largo Sintina laiha, entaun Cruz Vermelha hare fatin Publiku ne’e sai tiha kontaminadu no laiha Sintina no sei fό impaktu saude ba publiku” hateten Prezidente Cruz Vermelha Maria do Ceu ba Jornalista sira hafoin inagura Sintina iha Largo, Segunda-Feira (23/12/2019).

Tan ne’e, Sintina ohin Cruz Vermelha Inagura ne’e ho orsamentu ki’ik hamutuk dolar rihun rua nulu resin lima ($25 mill) ita bele halo sintina publiku ba ema na’in sanulu, mak bele uja dala ida. Nia dehan, Sintina ne’e ema na’in 10 mak uza feto ketak, mane ketak, no ema ho defisiente nian mos ketak i se-se deit mos bele uza.  

Tanba ne’e, orsamentu ida nemos hare ba área preoridade balun iha munisipiu sira tanba Munisipiu sira mόs sei falta toilet ba viagem publiku ninian. Portantu, “Ita sei kontrolu hosi governu nafatin maibe Cruz Vermelha sei rai hela nia kaixa iha ne’e, i kaixa ida ne’e para ema tama hotu hanoin para bele so’e netik osan centavus 0.05 ka liu husi ida ne’e, atu bele hadia tan ida ne’e bele diak liu tan” tenik nia.

Alende osan ne’e, kuandu ema so’e ona osan centavus 0.05 ne’e atu hadía kondiasaun no bele hola tisu, no bainhira dap sira a’at karik ita bele uja osan ne’e hodi halo manutensaun tanba liu hosi osan kiikoan ida ne’e bele tau hamutuk hodi halo buat ruma. Tan inisiativa ida ne’e, agradese teb-tebes ba governu tanba Cruz Vermelha bele hetan orsamentu hodi halo aktividade ida ne’e.

Tanba nemak sintina iha Dili laran depende imput hosi munisipiu Dili sei bainhira munisipiu Dili imput data atu halo sintina depois hatama proposta ba Cruz Vermelha, entaun Cruz Vermelha bele halo. Nia afirma, banhira Cruz Vermelha atu halo tan sintina, Cruz Vermelha bele halo ho osan governu maibe kuandu osan governu laiha, Governu bele halo propposta ba Cruz Vermelha hodi hato’o ba nasaun seluk hodi tau atensaun ba hodi hadia nasaun Timor-Leste.

“Agora foin mak halo ida deit iha Bidau Lecidere fasilita sintina ema na’in 10, ne’e duni ema na’in 10 bele uza kualker horas i kondisoens beabilidade ketak, ne’e dunik kondisaun bealiza ami sei hadia diak liutan para ema ho defisiente ho nia kursi roda mos bele tama” afirma nia.

Ne’e dunik ida ne’e hanesan modelu baziku primeiru ita halo depois ita sei halo mos iha parte ida iha ne’eba hanesan ita hare atu halo iha merkadu Taibesi nomos iha parte seluk. Hosi parte hirak ne’e depende ba iha parte governu hatama halo proposta hato’o hosi Governu, liliu husi Munisipiu Dili. Depois Cruz Vermelha sei hare hanesan auxilia ba governu atu suporta saida deit mak kondisoens bazika ne’ebé mak afeita ba iha komunidade nia necesidade.

Mensagem ba komunidade sira husu para atu mai pasiar iha jardin lalika preokupa liliu ba inan-aman lori labarik sira mai halimar iha ne’e, hodi mai pasiar la’o ho avontade. “Tanba ne’e bainhira mai to’o iha ne’e, osan iha it-oan bele so’e hela ba Cruz Vermelha nia kotak hodi halo kontribisaun nune’e governu kontinua suporta liu kona Cruz Vermelha” Afirma nia. (BT)