DÍLI----Úniversidade Oriental Timor Lorosa’e (UNITAL), tinan ne’e fó Graduasaun ba Estudante sira hamutuk 567 ne’ebé mak ho Fakuldade 7, hanesan Fakuladde Siensia Sosiál Polítika (SSP) hamutuk 39, Fakuldade Ekonómia hamutuk 27, Fakuldade Direitu hamutuk 39, Fakuldade Engenária hamutuk 144, no Fakuldade Siensia Saúde (SS) hamutuk 36.

Tuir Maknifiku Reitór Úniversidade Oriental Timor Lorosa’e (UNITAL) Florindo Pereira informa katak iha tinan 2019 UNITAL Gradua Estudante sira hamutuk 567.

“Ohin UNITAL gradua estudante hamutuk 567 ne’ebe mak timoroan rasik, ne’ebe mak atu fila-fali ba iha komunidade nia lét, hodi serví, no esforsu ne’ebe mak estudante sira hala’o durante tinan lima nia laran,” dehan Maknifiku Reitór Úniversidade Oriental Timor Lorosa’e (UNITAL) Florindo Pereira iha UNITAL Sexta-Feira (20/12/2019).

Reitór ne’e hatutan iha tinan ne’e UNITAL sei fó Gradua uluk Fakuldade lima ne’ebé mak hosi Fakuldade Siensia Sosiál Polítika (SSP), Fakuldade Ekonómia, Fakuldade Direitu, Fakuldade Engenária no Fakuldade Siensia Saúde (SS) no Fakuldade Rua mak hanesan Fakuldade Edukasaun no Edukasaun Agrikultura seí etapa segundu parte lokriak nian.

“Ohin dader fó gradua uluk ba Fakuldade lima ne’ebé mak etapa primeiru no etapa segundu seí hahú lokraik, ne’ebe mak iha Fakuldade rua hodi fo gradua mak Fakuladade Edukasaun no Agrikultura,” afirma nia

Tanbá ne’e, aprezenta ba públiku tomák katak, Fakuladde Siensia Sosiál Polítika (SSP) hamutuk 39, Fakuldade Ekonómia hamutuk 27, Fakuldade Direitu hamutuk 39, Fakuldade Engenária hamutuk 144, no Fakuldade Siensia Saúde (SS) hamutuk 36. Nia dehan, ho graduandu sira ne’ebe mak ohin aprezenta, UNITAL gradua ona estudante hamutuk 2878, inklui ba estudante sira ne’ebé mak gradua.

Iha fátin hanesan Reprezentante Gradua Estudante Fakuldade Diretu Remíxio Pereira da Cruz agradese ba inan aman no Dosenti sira durante ne’e esforsu tomák, ne’ebé mak ohin loron bele hetan susesu no rezultadu. “Ami nia matenek ne’ebé mak ami iha, seidauk to’o atu selu inan aman nia kolen no professór sira nia kolen, ne’ebé mak durante ne’e suporta ami no hanoin ami to’o ohin loron hetan susesu no rezultadu ne’ebé mak ita hotu hatene,” dehan nia

Nia esplika, imi nia isin hahú tun ba dada’uk, no imi nia forsa komesa mihis ba dada’uk, ami nia matenek seida’uk to’o atu responde ba imi nia sofrementu hirak ne’e. Ami dehan, laiha buat murak foun ida, hodi atu oferese seí la’os liafuan dezkulpa, no la’os liafuan obrigadu, ida ne’e de’it mak ami bele hato’o ba inan aman no professór sira ne’ebé mak durante ne’e duni ami to’o ohin loron hetan rezultadu.

Reprezentante estudante Graduadu ne’e afirma, ami mak seí produtu duni no seí heroi duni ba nasaun ida ne’e, juventude mak seí hatudu dezenvolvimentu ba oin, maibé atu servi ita nia nasaun no atu serví ita nia sosiedade, primeiru ita tenki garantia uluk rekursu umanu.

Nia informa liutan, ami nia agraese wain tebés, ba fundadores Fundatil ne’ebé mak durante ne’e sakrifika mai ami, durante tinan 24, hafoin luta ne’ebé mak hetan indepedénsia tinan 2002, hola nia insiativa rasik hodi harí úniversidade ida ne’e ho vizasaun ida ba ema ki’ak no kbit laek nia oan sira.

Tanbá, ita refleta ita nia história hafoin tinan 24, ne’ebé akontese iha tinan 2002 hafoin hetan indepedénsia, saída mak ita seí halo ba nasaun, iha inisiativa ida hodi harii úniversidade ida, hodi transforma estudante foun, atu servi ninia rai ida ne’e. (BT)