DÍLI----Ministériu Edukasaun Joventude no Desportu (MEJD) Dulçe de Jesus Soares husu ba kada inspetur eskola idak-idak tenke responblidae ba eskola 20, hodi nune’e bele organiza inspetur sira hamutuk 90 ne’ebé tenke servisu ho resbonsablidade hosi lori prosesu dezenvolvimentu ba oin.

Tuir Ministériu Edukasaun Joventude no Desportu (MEJD) Dulçe de Jesus Soares hateten, inspetur ba eskola ida iha Timor laran tomák, tenke responsablidade atu nune’e bele organiza professor/a hamutuk 90 resin. “Iha futuru Inspetur Eskola ida, responsabliza ba eskola hamutuk 20, maibé mós agora dadauk MEJD foin iha inspetur iha eskola kuaze ema hamutuk 90 hanesan ne’e,” dehan Ministériu Edukasaun hafoin ba Jornalista sira iha Timor-Plaza Lantai 4, Tersa-Feira (19/11/2019).

Tuir Ministra dehan tinan-oin seí rekruta tan ho núnemeru, hodi nune’e bele kompleta malu, tanbá mandatu lolos bele to’o tinan 5, maibé agora aumenta tan mandatu ba to’o tinan 10. “Tinan 2020 MEJD, seí halo rekrutamanentu, atu kompleta hotu númenru ne’ebé mak iha, no inspetur eskola sira ne’ebé mak agora iha, sira nia mandatu tuir lolos tinan 5 nia laran, maibé agora sira nia mandatu too tinan 10,” dehan Ministra. Tanbá ne’e mak tinan 2020, sei halo mós rekrutamentu porméritu ba sira hotu, atu nune’e bele garantia, kualidade edukasaun ida iha Timor-Leste.

Nia dehan, servisu inspetur eskola nian importante tebés, atu garantia lala’ok eskola, tanbá inspetur iha eskola ne’ebé mak di’ak, hodi nu’une’e bele kooperasaun ho di’ak ho Diretur eskola sira, atu nune’e bele fó apoiu tékniku ba professor/a no inan aman sira, atu haree hotu ba sasan sira ne’ebé mak iha. Ministra Dulçe haforsa, manuál bele utilize, no bele kontrola sira iha eskola, infraestrutura eskola nian, husi relatóriu sira ne’e mós bele ajuda relatórui Minstériu Edukasaun, bele halo planu ne’ebé mak di’ak, hodi bele responde ba situasaun infraestrutra eskola nian.

MEJD rekoñese, Timor-Leste agora dadauk eskola barak mak infraestrutura sei hasoru próblema, nia laran, maibé MEJD mós haree ona, tinan oin Governu kontinua nafátin esforsu atu hadia eskola sira iha Timor-laran tomák. Alende ne’e mós Reprezentane Nova Zelãndia iha Timor-Leste, Agosto Soarea informa Nova Zelãndia kontinua nafátin fó apoiu Ministériu Edukasaun Joventude no Desportu (MEJD), ne’ebé iha área Pré-Eskola nian iha Timor laran tomák. Tanbá ne’e mak sei nafátin servisu hamutuk, ne’ebé mak ita extende tan too fulan Dezembru, maibé ita sei hanoin atu kontinua nafátin, tinan 2020 sei haree instituisaun ba kooperasaun ida ne’e ns oin. (BT)