DÍLI----Loja AMADEA ne’ebe harii iha tinan 5 liuba ho nia objetivu husi atividade negosiau ne’e oinsa bele tulun negosiate kiik sira bele halao mos negosiu iha Timor-Leste.

Loja AMADEA hari’i ho nia objetivu mak hakarak tulun negosiu kiik sira bele faan fali sasan kiik sira iha merkadu Timor-Leste iha kapital-Dili hanesan Merkadu Taibesi nomos Merkadu Manleu-Ana. Tuir nain Loja Amadea Amadio Belo hateten Loja AMADEA hala’o ona atividade negósiu iha Timor-Leste durante tinan lima nia laran, ho objetivu hakarak atu fó tulun ba negosiante kiik sira bele mai sosa sasán ruma iha loja Amadea ne’e hodi ba fa’an fali iha kios sira.

‘’Loja AMADEA disponivel iha sistema fa’an tomak (grosir) no fa’an rahun (eceran) atu konsumedores no negosiante sira hotu-hotu bele hetan oportunidade atu bele sosa sasán, ida-ne’ebé estratézia tebes tanba besik loos ho merkadu-Taibesi,’’ Patraun Loja Amadea Amadeo Belo ba Jornalista Business Timor (BT) iha loja AMADEA, Taibesi, Dili, Kuarta-Feira (20/11/2019).

Nia esplika katak oras ne’e dadaun loja AMADEA iha ona kliente permanente husi merkadu Taibesi hamutuk besik atus haat ne’ebe mai husi vendedor kiik sira ne’ebé oras ne’e faan sasan iha merkadu Taibesi. Maski negosiante Taibesi sira sosa sasán la barak maibé sira sempre mai sosa beibeik hodi ba fa’an fali iha merkadu Taibesi, kada negosiante-ida bele sosa ho montante dollar Amerikanu atus tolu to’o atus haat

Nia hatutan tan alende negosiate kiik husi Merkadu Taibesi maibé iha mós kliente balun husi munisipiu hanesan husi kios balun iha Turiskai, Aileu no Maubesse. ‘’Sasán mak negosiante sira sosa mak hanesan Kafé, Masin-Midar, Mina, Dosi, Bibidas no mós Foos. Foos ho marka Globus, Nasi-Enak, Beruang Biru, Furak Los no Lafaek.

Foos no material báziku hirak ne’e loja AMADEA simu tutan husi sira mak hanesan Agen Perisos, Agen Globus no Agen Kreative Furak. Patraun Amadeo Belo subliña tan oras ne’e Loja AMADEA fó ona servisu ba traballadór Timoroan hamutuk 10 iha feto 2 no mane 8 hodi fó apoiu ba servisu iha loja AMADEA laran, traballadór sira ne’e mesak Timoroan de’it.

Partaun Loja AMADEA hato’o ba kliente no konsumidór sira hotu iha Timor-Laran tomak bele mai vizita loja AMADEA iha Taibesi tanba iha loja ne’e disponibel ona sasán ba nesesidade báziku no mós ho folin ne’ebé baratu tebes tanba Loja Amadea la’o ho prinsípiu fundamental negósiu nian katak Manan kiik maibé bei-beik. (BT)