DÍLI----Sidadaun Estranjeiru ida ho naran Pat Walsh sai Autor ba Hakerek Livru ida ne’ebé halibur istória Timor nian liu-liu ba tempu okupasaun Indonesia iha Timor-Leste.

Foin lalais ne’e iha Xanana Reading Room lansa ona ba públiku livru ne’ebé hakerek husi Pat Walsh ne’eb’e hetan tradusaun ba lian tetun husi Pat Walsh nia oan Mayra Walsh.

“Iha livru ne’e hakerek mos ba konsulta popular no mos akomtesimento hamlaha bo’ot durante okupasaun Indonesia iha Timor-Leste, no mos istoria balun iha komiku uitoan, ne’ebé hakarak fo kontente uitoan ba le'e nain sira,” Autor Pat Walsh dehan ba jornalista sira iha Xanana Gumão Reading Room, Lecidere Dili, Segunda-Feira (28/10/2019).

Iha mos istoria kona-ba maun Bo’ot Xanana iha momentu iha prizaun Cipinan Jakarta. “iha mos historia kona-ba kuda Timor, historia kona-ba manu Aman sira iha Dili, no istoria kona-ba busa uluk moris hamutuk ho dadur nain Maun bo’ot Xanana iha Cipinan Jakarta,” “Durante okupsaun Indonesia, komesa 99 ha’u hela iha Dili, durante tinan sanulu resin lima, entaun servisu barak kona-ba Timor, entaun ha’u fahe ha’u nia istoria no fahe ha’u nia esperensia, iha rai Doben Timor-Leste,” dehan nia

Sai autor nain difikuldade ne’ebé nia hasoru “banhira ha’u hakerek livru ida ne’e, exemplu foti topiku kona-ba kuda Timor, ha’u presisa tempu hodi le'e internet le'e informasun kona-ba kuda Timor, ha’u sente ida ne’e servisu ne’ebé ha’u tenke halo, maibe ha’u halo ho kontente, ladun fo susar mai ha’u atu hakerek livru, importante mai ha’u bele halo peskisa no hakerek imformasauun hodi bele hato’o no fahe ba ema seluk,”

Livru ne’e voluntariamente ba ema husi Nasaun ne’ebé de’it mak le'e. “livru ida ne’e ba ema hotu bele le'e inklui lian Inglehs lian Bahasa Australia Amerika sira bele le'e, no mos povu ba Povu Timor, bele librensia duni, ha’u agora idade bo’ot ona no ha’u hakarak fo oportunidade hato’o ha’u nia kontribuisaun ba rai Timor-Leste, no hakerek livru ne’e hodi fahe ema barak,”

Pat Walsh kontente tanba nia halo promosaun ba nia livru foun, liu-liu povu Timor-Leste. “liu husi lansamento ne’e atu halo promosaun ba ha’u nia livru foun liu-liu ba povu Timor-Leste, ne’ebé hakarak le'e no mos enkoraja sira atu hakerek rasik sira nia historia,” nia kontente. Iha fatin hanesan menejer Sentru Xanana Gusmão Reading Room, Gaspar Quintino Freitas hateten katak konhese klean Pat Walsh, iha momento sira servisu hamutuk.

“Ha’u pesoalmente koneshe di’ak senhor Pat Walsh iha momento ami servisu hamutuk, Pat Walsh hanesan ema servisu nain ba direitus humanos, liu-liu kestaun Timor nian, depois ukun-an servisu barak mak nia promove, liu-liu relatorio Chega Ba Mundo, hanesan lisaun importante ba ema hotu-hotu, reflete kona-ba konsekonsia Violasaun Direitu umanos, no to’o agora senor Pat Walsh nafatin servisu,”

Menejer Sentru Xanana Gusmão Reading Room, Gaspar Quintino Freitas agradese Pat Walsh tanba nia hili XGRR sai lansamento ba livru. “agradese tebes ba senor Pat Walsh, tanba hili Xanana Gusmão Reading Room, sai fatin ba lansamento livru iha loron ohin, ha’u hato’o ha’u nia Benvindo,” nia apresia.

XGRR nakloke ba ema hotu atu le'e livru, maske sentru ne’ebé naton, nia papel mak hamutuk hariku liberaria iha Timor. “Xanana Gusmão Reading Room, iha komitmento no promove nafatin literasia no kultura hadomi le'e iha ita nia rai, maske hanesan Sentru ki’ik ida, ne’ebé halo ona ninia papel importante atu ita hamutuk hariku liutan literasia iha Timor,” “livru ida ne’e mos sai hanesan rekursu importante ida ba Sentru atu ita ba oin bele inspira tan maluk Timoroan barak,” (BT)