DÍLI----Universidade Oriental Timor Lorosa’e (UNITAL) selebra Dies Natalis ba dala sanulu resin hitu (17) Ho tema “Hametin unidade fo fraternizasaun hodi haki’ak, Damen no Domin, Hamutuk ita Dezenvolvimento Universiadade, liu husi komemorasaun aniversario Dies Natalis UNITAL ba dala XVII.

Iha selebrasaun refere Reitor UNITAL, Florindo Pereira hateten sei hamutuk henesan uluk primeiru hahú loke, atu lori UNITAL ba oin. “Ami nia maluk uluk servisu iha ne’e, mai hamutuk hodi selebra UNITAL nia tinan ba dala sanulu resin hitu, atu servisu hamututk atu Dezenvolve UNITAL ba oin,” Reitor UNITAL, Florindo Pereira dehan ba Jornalista sira iha Salaun UNITAL Dili, Sabadu (26/10/2019).

Antes selebra dies Natalis 17 ne’e estrutura no alumi estudante no akademiku inklui profesor sira long marca husi fatin primeiro loke eskola ba depois muda ba Bekora. “Atividade ami halo primeiro ami marca husi Ministeriu Negosiu Estranseiru, fatin uluk hari’i UNITAL ba mak muda mai iha ne’e, ami long marca mai to’o iha ne’e,” tenik nia.

Entretantu Sekretario de Estadu Formasaun Profisional e Emprego Julião da Silva, ne’eb’e partisipa iha serimónia dies natalis ne’e hato’o parabens ba komemorasaun Dies Natalis UNITAL ba dala sanulu resin hitu. “Parabens ba Reitor no estudante sira hot-hotu, ne’ebé iha iha uma fukun bo’ot ne’e, loron ida ohin selebra loron Dies Natalis ba XVII,” hatete sekretáriu estadu ne’e.

Membru VIII governu ne’e hatete papel estudante atu kontribui ba tema selebra komemorasaun aniversario UNITAL nian, atu estudante sira tau fe no matenek iha fuan atu halao estudu ho kualiadade. “Ita estudante nia papel atu kontribui, ba palabra sira ne’e imi hakerek iha tema ne’e, ita fe no matenek iha kakutak ne’e la iha valor, maibe o fe no matenek iha fuan ne’e kualidade,” Julião da Silva hato’o iha nia diskursu Dies Natalis UNITAL.

Alende ne’e, Representante Direktora Geral Ministerio Ensino Superior Ciensia no Kultura, Maria Filomena Lay Guteres mós kongratula ba UNITAL ne’ebé otas bo’ot, atu responsablidade ba Universidade. “felisita UNITAL kona-ba aniversario ba tinan 17 ne’e otas ne’ebé bo’ot ona, no universidade mós, liu husi esprensia barak, esperensia di’ak la di’ak, mak habo’ot universidade atu hakat ba oin ho responsablidade,” Maria Filomena Lay Guteres komgratula.

“komprimento no regulamentu, ba ensino superior, ba instituisaun publika no privado, tenke kumpri no hala’o iha universidade tomak ba interese nasionál ne’ebé hadi’a kualidade ba rekursu Umano,” Nia komgratula UNITAL halo tinan dala sanulu resin hitu. “especial ba Unital parabens no mo de sejo sussesu, no servisu di’ak,”(BT)