DÍLI----Ministra Edukasaun Juventude no Desportu (MEJD) Dulce de Jesus Soares informa, ezekusaun Orsamentu Jeral Estadu 2019 ba iha Ministeriu Edukasaun to’o oras ne’e atinji ona 64%, fiar katak fulan oin bele to’o 80%.

“Ezekusaun orsamentu ba Ministériu Edukasaun Juventude no Desportu (MEJD) oras ne’e daudaun to’o ona 64%,” hatete ministra Dulce de Jesus Soares ba Jornalista sira hafoin halo lansamentu no fó mos graduasaun ba estudante pre-eskolar iha resinto eskola fillial EBC 12 de Outubru Tasi-Tolu, Sesta-Feira (25/10/2019).

Ministra Edukasuan ne’e konsidera, orsamentu ida ne’e boot liu atu halo ezekusaun tanba ne’e orsamentu refere sei iha hela $18 milloes no $16 millões sei selu ba funsionario sira iha fulan tolu mai ne’e, fiar katak fulan oin bele atinji 80%.

“Maibe Ministériu Edukasuan nia orsamentu ne’e boot liu ba iha kategoria saláriu, bens servisu tamba ne’e sei iha porbolta 18 millões maibe iha 16 milloes sei selu deit ba salariu iha mes Outubru, Novembru no Dezembru tamba ne’e ami garantia katak bainhira to’o iha Novembru nia laran orsamentu ne’e ami sei uja liu 80%,” dehan nia.

Ministra Edukasaun hateten orsamentu refere tau prioridade liu ba iha Infranstrutura Jestaun Eskolar no Edukasaun Inklusivu. “Ministeriu Edukasaun uja orsamentu ida ne’e sei tau prioridade liu ba iha Infraestrutura, Jestaun Eskolar Kurikulu kapasidade ba professor sira no edukasuan inklusivu,” dehan nia. (BT)