DÍLI----Organizasaun Core Group Transparency Timor-Leste (CGT) hamutuk ho Banku Central Timor-Leste (BCTL) dizamina Informasaun kona-ba jestaun fundu Petroliferu ba Estudante Universitariu nomos Komunikdade sira iha Eskola Institu Of Business (IOB).

Objetivu dizaminasaun informasaun refere oinsá atu publiku no instituisaun intende didiak kona-ba osan mina rai nune’e bele sustenta to’o tempu naruk nia laran. Iha Seminar refere Vise Governadór Banku Central Timor-Leste, Venáncio Alves Maria hatete, seminariu ida ne’e hodi loke ba publiku atu nune’e oinsá komunidade sira bele komprende kona ba lalaok jere fundu petrolíferu iha Timo-Leste.

“Seminariu ida ne’e oinsá jere fundo petroliferu ba jerasaun sira ne’ebé mak iha tempu naruk, tanba ne’e banku sentral sempre disponivel seminariu hodi fahe imformasaun ba maluk sira komunidade sira hodi bele komprende diak liu tan, oinsá maka bele hatene jestaun petrolifero nia lala’ok ne’e ba futuru,’’ dehan Vice Governador Bancu Central Timor-Leste Venáncio Alves Maria, ba Jornalista sira iha salaun Konferensia IOB Andar 4, Fomentu Dili, Kinta-Feira (26/09/2019).

Nia afirma katak , agora dadauk TL nia osan Fundu Minarai to’o iha 31 Agostu 2019 hamutuk Billaun $17.49 maibe sempre iha nia volatidade tun no sae depende ba iha merkadu Internasional. “Iha investimentu merkadu finanseiru buat ida volatividade ita bolu tun sa’e normal iha mundu indusmentu finaseiru ninia karik tinan ruma ita hetan rejultadu negativu ne’e normal,” katak nia.

Tan ne’e ho volatidade Merkadu ne’ebé iha Timor-Leste sei la garantia ba rendimentu atu kontinua Posetivu tanba depende ba iha investimentu merkadu finanseiru internasional. “ Loron ruma ita tenki negativu loron ruma ita tenki positivu maibe maioria investimentu fundu petroliferu hahú tinan 2005 to’o 2019 ne’ebé positivu barak liu duke negativu,” dehan nia.

Tan ne’e se wainhira TL jere ho kuidado disiplina bele perpetual no ba oin tenke jere ho kuidado no foti mos ho disiplina. “So ita nia atitude foti desde inisiu mai to’o agora ne’e nesesidade ba orsamentu estadu ne’e boot, ho ita nia atitude foti hanesan ne’e depende ita hakarak se tempu naruk liu, ita mos foti tuir saida mak ita presisa,” hateten nia.

Nia mos afirma katak Desisaun ne’e iha governu apresenta proposta ba iha parlamentu agora buat ida bolu Rendimentu Sustentavel Esivadu (RSE) ne’e mak ita sempre liu ne’e politika ida, ita hatene dehan ida ne’e reseita to’o de’it iha ne’e maibe ida foti liu ne’e politika ida ne’ebé mai kontinua-kontinua hela de’it.

“2023 hanesan ne’e osan ne’e la’os osan ida agora iha ne’e mak mohu ne’e lae, tinan 2022 to’o 2023 hanesan ne’e ida produsaun mak la iha ona maibe osan sei iha sei tuir prosesaun tempu naruk nian ita investe ho desustifikasaun iha klaver de oioin mais ou menus iha sustentavel to’o 2040 to’o 2050 hanesan ne’e,” informa nia. (BT)