DÍLI----Timor-Leste nudar nasaun foun ne’ebé ninia sítiu turistiku sira to’o ohin loron seidauk kontribui taxa ba estadu tanba ne’e governu liu hosi Ministeriu Turizmu Komersiu no Indústria hahú haree oinsá atu hamosu baze legal ruma hodi regula.

Diretor Geral Tourizmu Jose Filipe Quintas hatete kona ba fatin turizmu sira hanesan Cristo Rei ema hotu-hotu kestiona katak tuir loloos governu tenke iha ona hanoin atu ema ba iha ne’eba tenke selu ona maibe Guverno liu husi Menisteriu Turizmu Komersu Industria komesa haree ona ba oin oinsá atu aplika selu ba fatin turizmu sira maibe tenke prosesu tuir lei ka diploma ministerial ida.

“Ita kuandu aplika ida ne ita presija iha dekreitu lei ida ka diploma ministerial ida para ita bazeia ba lei nebe halo ona katak banhira ita aplika selu tenke tuir lei ida hodi nune’e bele regula ita,” dehan ba jornalista sira, iha salaun CCD, Kinta-Feira (26/09).

Nia afirma, molok lei ne’e halo tenke hare mos infrastrutura bajika sira ne’e, ema kuandu ba selu ne’e katak “hau ba iha neba sintina mos iha, gestao mos diak, hau nia kareta ka motor bisikleta para fatin mos diak, hau para ema la nauk, la estraga sasan sira, nemos ita ba iha neba senti seguru no konfortavel entaun hau selu,” katak nia.

Nia hateten, Iha singapura ka ba ona fatin turistiku sira iha nasaun sel-seluk sira hanesan ne’e infrastruturamente pereparadu ona, “entaun hanesan hau tama ba hau selu par osan ne’e bele halo rehabilitasaun halo manutensaun uja fali hodi kontinuasaun ka sustentabilidade ba fatin refere,” katak nia.

Nia haktuir tan katak guvernu mos estabelese ona Komisaun Inter Ministerial ba dezemvolvementu turizmu nian tanba ne’e orsida komisaun ne’e mak sei diskuti kona-ba oinsá bele kria lei ne’e, orsida oinsá Diploma Ministerial ka dekretu lei ida propiu ba retribuisaun nian. “Nune’e bainhira ko’alia kona-ba retribuisaun ne’e mak hanesan ema ida tama selu, mais ne’e depende ba fatin nebe mak ema atu ba bezita, hanesan ema neba selu mais hare fasilida hanesan sintina oinsá?? kareta para fatin oinsá?”

Enkunadu Fasilidade tenke iha para ema se-se mak ba ne’eba ne’e selu mais valor katak “hau nia osan ne’e merese duni para hau selu (Helo for money), Konfortavel katak hau nia kareta para iha ne’eba mos aseguru, nemak hau bele dehan ita halo buat ne’e la’os halo baut ida ke ita hakfodak aban ita bele halo, la’e ida ne’e ita presiza planu ida kediak, iha jestaun tanba ne’e mak ohin hau dehan katak turismu ne’e iha buat rua, positive no negative,” sujere nia.

Nia afirma liu tan katak, Sei ita bo’ot sira laiha planu, laiha jestaun ne’e mak mosu hanesan kristu rei, ema ba estraga sasan sira, “Ne’ebé buat sira hansan ne’e la’os ita labele tu’u liman ba parte governu deit ka parte se-se deit maibe ita mos tenke fasparte, hanesan saida mak governu halo no kria ita nu’udar individu ita nia sasan ne’e ita nian, nu’udar timoroan fasparte hotu dehan katak ita nian,” katak nia.

Nia hatete tan katak Ita bo’ot sira observa sasan sira ne’ebé governu komesa rehabilita ona no sel-seluk ne’e lakleur lampu sira ne’e ema estraga, sasan sira ne’e ema estraga ne’e oinsá,??? ne’e merese hare.

“Enkunadu kona ba fatin sira ne’e Governu iha planu ona iha tinan 2020, Governu aposta ona ba master plan, Governu toma pozisaun katak iha VIII Governu konstituisional investe maka’as ba tourizmu tanba turizmu mak sai pilar importnate ba VIII Governu, ne’ebé ita dudu setor ne’e ba oin la’os governu deit maibe ita hot-hotu tenke servisu hamutuk hanesan ekipa stack holders sira dudu iha governu nia kotuk ita dudu sira tu’ur iha ne’eba par bele haforsa diak liu tan tanba Kona-ba promosaun la’os governu na’in tu’ur langsung halo deit maibe ne’e setor privadu mos iha ne’e iha resssponsabilidade promove distinu touriztiku iha Timor-Leste,” Informa Quintas.

Antes ne’e Embaixador Indonesia ba Timor-Leste Sahat Sitorus hatete Timor-Leste presiza dezemvolve fatin Turizmu sira hahú hosi baze hafoin mak bele hare ba iha turismu boot sira. Tanba Timor-Leste ukun an tinan sanulu 19 ona maibe TL sei depende nafatin ba mina tanba ne’e hanesan KBRI, TL la presiza dezemvolve fatin turizmu husi bo’ot maibe tenke hahú hosi turismu komunitariu ne’ebé mak iha.

“Hau dala barak ona hau sempre fo Hanoin bebeik ba governu, atu dezemvolve setor turizmu iha Timor-Leste Tanba hau hare turizmu sira iha ne’e mesak didiak deit la presiza dezemvolve ne’e bo’ot kedan maibe tenke hahú hosi ki’ik mak foin bele ba bo’ot ne’e,” informa Kedutaan Besar Republik Indonesia, Sahat Sitorus ba FamTrip Jornalista Timoroan sira depois de hasoru malu FamTrip hato’o agradese ba Kedutaan besar, iha Farol, Kuarta-Feira (18/09).

Nia dehan fatin turizmu sira ne’ebé iha Timor-Leste iha potensial tebes maibe governu to’o oras ne’e seidauk dezenvolve tanba to’o agora governu sempre hanoin liu atu dezenvolve turizmu ne’ebé boot. “Nune’e Fatin turizmu sira iha TL kuaze sia ka sanulu mesak interesante tebes deit maibe governu seidauk iha hanoin atu dezemvolve sira hahú hosi baze I sira hakarak dezemvolve bo’ot kedas hanoin ida ne’e sei han tempu naruk,” katak nia.

Sahat dehan durante ne’e Kedutaan Besar sempre ko’alia bebeik ho governu inklui kria mos workshop kona-ba Turizmsu iha Timor-Leste atu oinsá bele dezenvolve diak liu tan, tanba turismu iha Timor-Leste potensial tebes. Nia afirma katak durante TL ukun an tinan 19 ona maibe hare fatin turizmu sira iha ne’e abandonadu tebes, nune’e Timor-Leste Durante ne’e uza osan fundu Petrolifeiru mak dezemvolve infraestrutura ka uja ba bens do servisu deit.

“Tan ne’e TL la presiza dezemvolve fatin turizmu sira ho bo’ot maibe neneik deit mos diak, tanba hau hare hanesan Ainaro, Same, Aileu, Maubise sira ne’e kuaze mesak didiak deit maibe hau hare governu seidauk iha hanoin atu dezemvolve fatin sira ne’e,” katak nia.

Embaixador klarifika katak durante ne’e Governu mos dezenvolve ona bemanas maibe governu lolos ne’e tenke tau seguransa ida iha ne’eba hodi hare no ema sai tama tenke selu ona taxa nune’e mos prepara kanting ki’ikoan sira ba visitante sira hodi bele fo reseitas ba komunidade nomos governu. “Tanba ne’e la’os fatin turizmu sira deit maibe hanesan aeroportu sira hanesan iha munisipiu sira mos bele dezemvolve ona, hare Oe-Cusse, Suai sira ne’e diak ona neneik-neneik ita sei buka par route balun ba ne’eba,” katak nia.

Nia hatete iha transporte Aero hanesan Dili no Kupang laiha maibe ohin loron konsege establese ona inklui ho kondisaun Aeroportu Oe-Cusse Governu Indonesia mos sei tau rote ida oinsá bele fasilita liu tan pasajeiru sira iha Munisipiu refere. “Hanesan ohin dehan katak governu mos tenke prepara fatin turizmu sira ona atu hadia tanba ne’e route sira tama ona iha munisipiu sira ne’e, ema turista mai ne’e la’os mai iha kota maibe sira mai ho objetivu atu hare fatin turizmu sira ne’ebé mak interesante,” katak nian.

Ho politika ne’ebé Governu Indonesia iha liu husi Embaixada Indonesia iha Timor-Leste hodi servisu hamutuk ho Ministeriu Turizmu Indonesia hodi indika Media sira visita direitamente ba iha fatin ne’ebé potensial iha Indonesia hodi bele sai referensia ba Timor-Leste. Alende ne’e Sitorus mos husu media nasional sira ne’ebé mak tuir ona FamTrip Jornalista nian ba iha Indonesia tenke hakarek halo didiak nune’e ema hotu bele le’e no bele mos aplika tuir referensia ne’eba foti hosi Indoesia ne’eba.

“Hau husu ba media nasional sira ne’ebé mak ba tiha ona Indonesia, sei la sala ba daruak ona, iha ne’eba mai hakereke informasaun sira kona-ba tuirzmu iha Indonesia tenke hakareke halo didiak nune’e ema sira ne’eba mak le’e bele komprende diak liu tan,” Informa Sitorus. (BT)