DÍLI----Bazeia ba joven barak iha Timor-Leste seidauk iha skill ne’ebé mak di’ak, Govern liu hosi Sekeretariu Estadu Formasaun Profesional no Empregu (SEFOPE) sujere ba joven foin sa’e sira tenke hakbesik-aan ba iha sentru formasaun sira.

Tan ne’e mezmu agora dadauk ema hotu hatene katak Timor-Leste atu dada pipeline mai Beaçu (Viqueque) maibe to’o ohin loron ema atu kompete iha setór turizmu liliu iha hospitalidade nian rekursu umanus sei minimu hela.

Julião Da Silva hatete loos duni TL ho lia fuan negativu katak Timor-Leste sei nurak hela seidauk bo’ok foin bo’ok mina ne’e deit, kona-ba setor turismu sira ne’e haree rai ne’e sei tomak hela (Virgem hela), ne’ebé atu hatete deit ba joven foinsa’e sira tenke partisipa iha sentru formasaun sira hodi aprenede bele kompete ho ema seluk banhira Timor-Leste hakarak uja ninia rekursu rasik iha rain ida ne’e.

“Favor ida ajuda governu, ajuda estadu no ajuda ita nia nasaun liu hosi buat ida deit, hakbesik- aan hodi tuir formasaun tanba formasaun ne’e importnate tebes, sei ita lakohi ital abele mehi atu kompete ho ema seluk,” hatete Sekretariu Estadu Julião Da Silva iha nia diskursu iha ambitu lansamentu komemora loron Mundial Turizmu nian, iha CCD Merkadu Lama, Kinta-Feira (26/09).

Nia dehan, Agora dadauk ita hotu akompana foin dadauk mina, governu ba halo negosiasaun ho Australia ko’alia kona-ba Fronteira Maritima Timor-Leste ho Australia depois konsege Governu rua assina hodi dada pipeline mai Timor, Enkunadu dada pipeline mai Timor-Leste depois mai to’o Beaçu ne’eba, iha ne’eba sei iha Hotel ka fatin ba ema atu hela presiza ema iha area turizmu tanba ne’e Governu sujere ba timoroan sira tuir formasaun hodi aumenta kapasidade oinsá bele atende ema iha kualker fatin.

Alende ne’e Diretor Geral Turizmu Jose Filpe Dias Quintas haktuir tan, iha biban ida ne’e, setor turizmu ne’e sai matadalan ba setor seluk katak “Ita kolia kona-ba setor turizmu, ita kolia kona mos ba ai-han, hanesan hospitalidade tanba ne’e ita bele dehan katak setor turizmu kontribui mós ba dezpezas tamba hanesan iha illa Atauro iha ne’eba hau halo konkluzaun deit katak iha ne’eba ema barak mak servisu kona-ba turizmu nian deit,” esklarese nia.

Nia dehan, tanba ne’e mak ohin Timor-Leste selebra loron mundial turizmu nian iha ne’e atu bele promove diak liu tan imagem turizmu nian iha Timor-Leste katak, kampu servisu bo’ot liu mak turizmu “hau ba vizita iha ne’eba hau halo konkluzaun ida katak ema hotu iha ne’eba maioria servisu iha turizmu,” katak nia. Tanba ne’e husu ba joven sira atu utilize didiak oportunidade hodi buka hatene buat ruma hodi asesu ba kampu servisu iha setor turizmu nian.

Iha okaziaun ne’e, Diretor Geral Turizmu fo hanoin mos ba foin sa’e sira liliu mane atu muda mentalidade, “iha Timor ema servisu iha turizmu hanesan Kuzińeru ne’e ema dehan ne’e feto nian maibe la’os feto deit mak bele sai xefe, mane mos bele tanba ne’e joven sira tenke muda mentalidade ida ne’e,” Sujere nia.

Nia fo hanoin tan katak Setor Turizmu iha Timor, sei ita mak la okupa fatin ema liur mak sei mai okupa tanba ne’e ho programa ida ohin promove imagem turistiku iha Timor, ho ida ne’e bele enkoraja alin joven sira bele involve iha stor turizmu katak, “imi mos sei bele, nune’e uza oportunidade ne’e ho diak atu kontinua dudu setor turizmu ne’e ba oin,” Informa DG Turizmu Jose Filipe Dias Quintas. (BT)