Print
Kategoria: Lalenok Sidade Dili
Hits: 49


DÍLI----Komisaun 12 Novembru haksolok no fó agradese ba governu troka naran jardín Motaél husi naran 12 Novembru ba Sebastião Gomes.

Atu valoriza mós ba matebian Sebastião Gomes ne’ebé mak mate iha igreja Motaél iha 28 fulan Outubru 1991 hodi hamosu masakre bot iha santa crus hamate juventude atus ba atus hodi rekoñese Timor-Leste ba mundu nu’udar prosesu luta ba libertasaun nian, oras nee oitava governu konstitusionál rekoñese foti naran Sebastião Gomes sai naran ba Jardín Motaél.

Ministériu Asuntu Ré formasaunParlamentár no kaer mós pasta nu’udar Komérsiu Indústria no Turizmu Fidelis Manuel Leite Magalhães hateten objetivu hasoru malu ho presidente komisaun 12 de Novembru atu ko’alia oi tuan kona-ba asuntu atu altera ou troka tiha naran ba Jardín Motaél. Naran ne’ebé uluk tau naran jardín 12 de Novembru maibé atu troka fali ba naran Sebastião Gomes.

Antes nee husi parte ministériu turizmu simu ona informasaun kona ba idea komisaun 12 Novembru hakarak atu troka naran tan nee mak ohin nee realiza ona soru mutu ida ho presidente komisaun 12 November maun Gregorio Saldanha hodi deside loloos naran ida ne’ebé maka merese atu tau iha jardín Motaél.

Ikus mai bele hetan duni solusaun ida atu troka naran husi 12 Novembru ba Sebastião Gomes. Oras nee konstrusaun sei hala’o hela no sei finaliza iha tempu ne’ebé termina ona tuir kontratu, Dehan Ministru Komérsiu Indústria e Turizmu Interinu Fidelis Manuel Leite Magalhães Tersa-Feira (18/09). Presidente 12 Novembru Gregorio Saldanha hatene hakarak fó Agradese wain ba Ministru turizmu Fidelis no ekipa tomak bele mak bele ona fó apoiu másimu hodi bele troka naran jardín motel ba naran Sebastião Gomes.

Husi parte 12 Novembru sinte haksolok tebes bainhira troka naran ida nee tanba atu dignifika joven sira hotu ne’ebé mak mate iha masakre 12 Novembru tenke tau duni laran matebian ba dala uluk ne’ebé mate iha igreja Motaél hafoin hamosu espíritu bot hodi halo demonstrasaun hodi hamosu masakre 12 Novembru iha tinan 1991 nee.

Dehan Presidente 12 Novembru Gregorio Saldanha ba jornalista sira iha salaun ministériu Finansas iha Ai-Tarak Laran Dili, Tersa-Feira (18/09). Iha fatin hanesan nia hatutan tan katak Altera naran nee atu labele haluha ou nega istória sira tanba ita sei sinte triste tebes bainhira nega istória tanba ida nee sai ofende bot ba ita nia istória no mós ba família vítima sira.

Objetivu mak atu bele hatuur loloos istória atu nune’e bé bele benefísiu ba jerasaun foun tuir mai, no sira bele hatene didi’ak ba istória, 12 Novembru nu’udar mós patrimóniu estudu nian maibé komisaun sinte preokupadu atu bele tau loloos buat hotu tuir nia dalan atu nune’e la bele prejudika fa família vítima no matebian ne’ebé mate iha12 Novembru sira, no mós ba Jerasaun foun sira ne’ebé mai sei aprende no koñese buat hotu tuir nia istória rasik.

Naran Sebastião Gusmão ne’ebé mak sei tau iha jardín Motaél nee merese duni tanba ida nee hatudu pontu pozitivu ba ita nia istória, tanba bainhira ema temi 12 Novembru halo ita hotu haksolok maibé sinte haksolok liu tan bainhira tau istória tuir duni nia fatin. (BT)