Print
Kategoria: Lalenok Sidade Dili
Hits: 100


DÍLI----Ministériu Negósiu Estranjeiru prioritize ba kondisaun servisu polítikainternu no esterna hodi preve orsamentu $35 millaun. Ministru Negósiu Estranjeiru Dionísio Babo hateten husi parte negósiu estranjeiru sei tau prioridade orsamentu ba parte rua maka hanesan parte kondisaun polítika rai laran no mós kondisaun polítika rai liur.

Kondisaun serbisu iha parte rai laran (internu) hatudu rezultadu katak atu hala’o serbisu ho efetivu no efikásia tenke iha fasilidade ne’ebé mak sufisiente no di’ak tanba oras nee patrimóniu estudu ne’ebé mak utiliza iha ministériu negósiu estranjeiru hodi hala’o servisu hahú aat hotu ona hanesan, karreta, motor, komputadór no matéria seluk apoiu ba serbisu iha edifísiu. Alende nee mós presiza tebes kapasitasaun umanu atu bele haki’it funsionáriu sira liu husi formasaun tuir sira nia area.

Segundu mak kondisaun polítika rai liur (esternu) oras nee iha diplomata barak mak besik reforma ona, tan nee presiza tebes atu halo rekrutamentu ba diplomata foun hodi bele troka. Rasaun katak diplomata sira sei bele rekruta fali iha tinan liu tuir mai. Tan nee presiza tau osan atu hare ba formasaun no mós serbisu diplomata hanesan reforsa divizaun ba servisu bilaterál, multilaterál no mós CPLP atu bele hasa’e kualidade serbisu iha rai liu. Dehan Ministériu Negósiu EstranjeiruDionísio Babo ba jornalista sira iha salaun ministériu Finansas iha Ai-Tarak Laran, Kinta-Feira (19/09).

Iha fatin hanesan nia hatutan tan katak Oras nee iha país dezenvolvidu sira iha taxa ne’ebé mak aumenta sa’e tan nee presiza tebes atu bele hare oinsá tenke resolve hodi selu taxa iha Timor Leste nia Embaixada sira iha nasaun li’ur. Presiza mós atu bele hala’o polítika hodi nafatin serbisu hamutuk ho organizasaun mundiál sira hanesan, Organizasaun Internasionál Komérsiu, Common Well, Unesco and Uneskap.

Objetivu kontinuasaun hodi halo parseria di’ak ba organizasaun mundiál atu bele mós fó apoiu maximal nafatin ba ita nia nasaun Timor Leste hodi dezenvolve iha area prioridade sira ne’ebé maka foka ba organizasaun ida-ida nia knaar servisu nian. Ministru EstranjeiruDioníziu Babo mós haktuir tan katak oras nee iha nasaun seluk renda no taxa sempre aumenta tanba nee mak husi parte ministériu negósiu estranjeiru sempre iha responsabilidade bot hodi bele selu embaixada sira hotu. Ba Orsamentu tinan 2020 ministériu negósiu estranjeiru husu orsamentu hamutuk $35 millaun hodi bele rezolve serbisu ba parte internu no mós esternu. (BT)