JAKARTA----Iha kinta-Feira (12/09) tuku 05:00 lorokraik oras Jakarta nian, delegasaun Familiaization Trip Jornalista Timoroan na’in 10 ne’ebe sai konvidadus II ba Indonesia, depois iha Airoportu Soekarno Hatta delegasaun simu hosi ekipa Wonderfull Indonesia hodi akompana delegasaunsira kalan ne’e hakat liuba kota tua Batavia ne’ebe maka hosik hela memoria konstrusaun ida hosi Holandesa ninia tempu Ukun.

Tan ne’e Familiarization Trip jornalista sai konvidadus sugundu nian ba Indonesia, nu’udar programa ida hosi Ministeriu Turizmu Indonesia nian ho naran Wonderfull Indonesia, ne’ebe maka dadauk ne’e dezemvolve tiha ona fatin istoriku sira iha Indonesia. Tamba ne’e Familiarization Trip Jornalista TimorOan ba Indonesia liu hosi Embaixada Republika Indonesia (KBRI-Sigla Indonesia) Dili.

Alende ne’e, Jornalista Timoroan na’in 10 hosi media nasional sira, media imprensa no eletronka iha loron Kinta-Feira (12/09) aranka ba Indonesia ho Destinasaun Primieru vizita mak kota tua Batavia Jakarta no ikus mak Vizita Danau Toba hanesan Fatin turizmu Famousu iha Sumatera Utara. Programa Familiarization bad ala rua ona, ne’ebe antes ne’e jornalista Timor Oan sira vizita uluk fatin destinasaun Labuan Bajo iha Flores no segundu mak jornalista timor oan sira ba vizita iha Sumatera Utara i Hahu primeiru mak vizita uluk Batavia.

Tamba Batavia nu’udar kota tua ida ne’ebe uluk governu colonial Olanda harii primeiru kedas iha kota tua Jakarta, Dadauk ne’e Mandatu Presidente Joko Widodo nian, halo Renova fali no dezemvolve dadauk ne’e sai hanesan fatin turiztiku ida iha kota inan Indonesia. Nune’e to’o iha sidade tuan Batavia, reprezentante Wonderfull Indonesia, Yusuf Rinalvy hato’o Bem vindu ba delegasaun Fam Trip Media Timor Leste no konvida ekipa hodi hare direitamente objetu liman rohan Olandes ne’e.

“Tabe mai ba kolega jornalista sira iha Jakarta, liliu ohin kalan ne’e inisiu programa ne’e hodi hare direitamente kota tua Batavia,” simu Yusuf Rinalvy ho lian Indonesia ba Delegasaun. Tamba ne’e mak hakat ba iha kota tua ne’e sente memoria Olandeses nian iha tempu colonial tamba akompana hosi muzika tuan nomos akompana hosi ekipa Wonderfull Indonesia hodi hakat ba Kafetaria Batavia hodi koko kafe nia gostu no han kalan dala ida iha Restorante Batavia.

Hafoin han kalan, akompana hosi ekipa Wonderfull Indonesia, lao hare memoria Holandezes nian ne’ebe mak hosik hela konstrusaun uma tuan ida, ema barak halo refressing no vizita iha fatin ne’e bainhira tempu kalan. Tan ne’e Busines Timor hetan informasaun sa’at Timor Post dada lia ho Vizitante lokal ida (Ratna Melani) ne’ebe mak ho nia familia ba iha fatin ne’e hatete katak fatin ne’e foin dezemvolve hosi Presidente Joko Widodo foin dadauk ne’e, I agora sai fatin turizmu ona hodi nune’e tempu Feriadu bele passa ferias nian.

“Ohin hau mai ho hau nia familia sira, ami mai han kalan nian tamba ami la’os mai kalan-kalan maibe semana ida dala rua hanesan ne’e hodi passa ferias iha kota tua Batavia ne’e,”dehan Ratna. Alende ne’e, depois de han kalan ekipa Wonderfull Indonesia akompana delegasaun FamTrip jornalista sira la’o hare memoria kostrusaun refere, iha biban ida ne’e inspira tebes jornalista Business Timor hodi hare direitamente aktividade negosiu ai-han ho modelu atrai no toka hosi komnidade Kota Inan ne’e ho modelu antigun sira.

Tamba ne’e iha fatin refere, Turista lokal no estranjeiru barak vizita tamba iha fatin ne’e rai sasan istoriku barak iha edifisiu Batavia hosi arkitektur Olandes nian, iha ne’eba mos iha fatuk murak, museum istoriku ne’ebe iha laran nakonu no sasan sira rai haesan memoria osan mean hodi atrai ema barak ba vizita. Konstrusaun uma modelu Europeu ne’ebe hanesan mos konstrusaun insfraestrutura sira ne’ebe maka hosik hela hosi tempu colonial Portuquezes sira ba timoroan sira hanesan Palasiu do Governu Dili.

Tan ne’e edifisiu sira ne’e tempu Olanda mak hari’I, iha laran iha sasan funu hosi tempu Olanda nian, Sai museum morteiru, osan mean, Komarka historiku fatuk Olanda no fatin istoriku sira. “La sente delegasaun akompana hosi ekipa Wonderfull Indonesia hal vizita ba fatin istoriku sira iha Batavia to’o oras tuku 12:00 oras Jakarta nian, bainhira ekipa seguransa halo lian alarma hanesan sinal ida ba vizitante sira nia tempu vizita remata, nune’e vizitante sira ida-idak dada-an sai his fatin istoriku Batavia inklui delegasaun,” (BT)