DÍLI----Vise Ministru Administrasaun Estatál (MAE) Abílio José Caetano hateten, orsamentu MAE nian ba tinan 2020 kuaze Milliaun $5 tanba VIII Governu iha komprimísiu foun hodi hala’o implementa liu husi Ministeriu Administrasaun Estatál nian ba Munisipiu sira.

“Ministériu Administrasaun Estatál tetu Orsamentu kuaze Millaun $5 hanesan ne’e, maibe iha komprimísiu foun ne’ebe maka hanesan polítika husi VIII Governu konstituisionál nian, ne’ebe maka iha tan 50 Milloens ba implementasaun liu husi Ministériu Administrasaun Estatal,” dehan Vise Ministru Administrasaun Estatál (V-MAE) Abílio José Caetano, hafoin remata enkontru ba Jornalista sira iha Salaun Ministériu Finansas (MF) Ai-Tarak Laran Díli, Tersa-Feira (17/09).

Nia esplika agora MAE nia jestaun ba Orsamentu ne’ebe maka iha, buka realidade husi Ministériu Administrsaun Estatál nian, ne’ebe maka kaer kn’ar boót iha Sentrál to’o Aldeia, no kaer mos Polítika Dezentralizasaun Administrativa, ne’ebe Governu hakarak implementa poder lokál iha prósimu. Vise Ministériu Administrasaun Estatal realsa informa jestaun tuir Orsamentu ne’ebe maka iha, maibe MAE hare presiza Orsamentu Adisionál balun, Orsamentu Adisionál ne’e kuaze Milliaun 30 resin maka MAE propoin.

Governante ne’e haforsa tan Orsamentu Adisionál ne’e tuir desizaun ne’ebe Komisaun Revisaun Orsamentu Polítika (KROP) foti ona. La’os aprova ona maibe sei sujeitu ba diskusaun, tanba ne’e ekipa téknika husi Estatál sei hasoru ekipa téknika husi Ministériu Finansas hodi análisa profunda ba adisionál nian. Alemde ne’e mos Primeiru Ministeriu Taur Matan Ruak mos dehan ba MAE prioridade ensima, maibe ida ne’e prioridade liutan, tanba ne’e sei sujeitu ba diskusaun iha ekipa téknika sira.

Nia dehan Orsamentu Adisionál ne’e labele hatete, tanba ida ne’e sei aprova no la aprova, maibe sei sujeitu ba diskusaun entre ekipa téknika Estatál no ekipa téknika Ministériu Finansas nian. Governante ne’e dehan presiza Orsamentu Adisionál, tanba planu ne’ebe maka husi Ministériu Administrasaun Estatál iha, ne’ebe maka tuir programa VIII Governu konstituisionál nia Polítika Dezentralizsaun ba Administrativa.

Nia dehan polítika ida ne’e, ita presiza reforsa estrutura husi Munisipiu sira, presiza reforsa infraestrutura ne’ebe maka iha Munisípiu sira, no ita presiza reforsa mos kapasitasaun rekursu humanu ba iha Munisípiu. Tamba ne’e Planu Ministériu Administrasaun Estatál bainhira preparasaun ne’e remata, hakarak Munisípiu Sanulu Resin Rua dala ida, tuir planu tinan 2020 sei halo avaliasaun ho kondisaun mínima, no sei preparasaun mos infraestrutura, rekursu humanu, no preparasaun estrutura ne’ebe maka iha.

MAE tetu Orsamentu fiskal kuaze $5 Mill ne’e preve ba ATM ba Saláriu Vensimentu, Bens Servisu, Kapitál Menór no Transferénsia Públika, Orsamentu ba tinan 2019 Ministéiru Administrasaun Estatal ejekuta ona Orsamentu 74%. Tanba ne’e foin lalais iha Festa Komemorasaun 30 Agostu tinan 20 loron Konsulta Popular ho INTERFET iha Timor-Leste nian, maka Ministériu Administrasaun Estatal hetan alokasaun 1.4 ba loron Komemorasaun importante ida ne’e. (BT)