DÍLI----Kios Motaél Sorte sai manan nain ba prémiu Televizaun ida ne’ebe ho nian inch 34 ne’ebé maka ofrese husi ekipa organizadór husi serveja Draft Lager.

Partisipante iha serimónia lansamentu serveja Draft Lager mai husi kios no loja sira ne’ebé hala’o iha Dili no munisípiu Timor Laran tomak. Manager Esportasaun Kompañia Bali Hai Bharat Velencha hatete, serimónia lansamentu ba serveja Draft Lager partisipa husi loja no kios hamutuk liu 40.

Objetivu Kompañia Bali Hai konvida partisipante sira husi vendedór husi loja no kios sira iha Dili no munisípiu sira hodi partisipa iha eventu refere tanba hakarak sai sasin ba serimónia lansamentu ba serveja Draft Lager, alende ne’e mos bele sai oportunidade atu koko serveja Draft Lager nia gostu no kualidade.

“Iha okaziaun ida ne’e mós fahe prémiu liu husi dada rifa hodi bele fó presente balun ba partisipante no ikus mai kios no naran Motaél mak sai manan nain ba prémiu ba Televizaun,” dehan Manager Exportasaun Kompañia Bali Hai Bharat Velencha ba Jornalista sira iha Timor Plaza Sexta-Feira (13/09).

Iha sorteiu ne’ebe iha manan nain husi Kios Motael Antines Partires orgullu tebes tanba bele hetan konvite hodi partisipa serimónia lansamentu no ikus mai sai manan nain ba prémiu ne’ebe fornese husi kompana. “Hau sente kontenti tanba bele hetan konvite hodi partisipa iha sermonia ida ne’e no ikus mai konsege hetan premiu ne’ebe maka fornese husi kompana rasik,” katak nian.

Nune’e mos atu taka nia agradese wain ba kompana inklui nia mos promote sei promove diak liutan produtu ne’ebe maka oras ne’e kompana iha hanesan Serveja Draft Lager. Iha sermonia lansamentu iha mos premiu balun fo mos ba iha kios lima ho premiu mak hanesan Rice Cooker, Serveja Draft Lager, Telefone, no mós sasán seluk tan.

Iha sermonia ne’e mos kompana mos fahe informasaun ba iha loja no kios sira hodi hetan oportunidade hanesan hola serve draft kaixa 7 sei hetan free kaixa ida, no husi oportunidade refere husi partisipante sira hotu sente kontente tebes hodi sosa serveja atu hahú bele fa’an ona iha sira ida-ida nia loja.

Nain husi Loja Livon Virjínia da Costa ne’ebé mak hala’o atividade negósiu iha besik area Pantai Kelapa hateten sente kontente tebes bele sosa serveja Draft Lager tanba serveja nee iha kualidade ne’ebé maka di’ak tebes no folin ne’ebé maka baratu. Nain husi loja Virtude ne’ebé mak lokaliza iha Bekora Jaime Ximenes hatete nia sente haksolok tanba bele hetan serveja ida ho kualidade di’ak no folin baratu liu fali serveja sira seluk, husu atu fornesedor kontinua nafatin mantein ho presu ida nee. (BT)