DÍLI----Relasiona ho konstrusaun ba estrada Tasi-Tolu liga ba Tibar, Likisa no Ermera, ohin loron seidauk Finaliza, tanba ne’e molok atu tama ba festa loron 30 de Agostu nian Ajénsia Dezenvolvimentu Nasional (ADN), haruka kompañia ne’ebé responsavel ba obra ne’e fui Alkatraun (asphalt) dala ida (1) tanba atu atende ba selebrasaun loron konsulta popular 30 de Agostu.

Mezmu konstrusaun refere seidauk finalize maibe tenke haruka par fui asphalt ne’e hodi atende ba serimonia ne’e, sela’e bainaka sira mai tur iha Tasi-Tolu rai rahun sa’e maka’as loos tanba ne’e mak haruka kompañia para fui asphalt ne’e dala ida deit. Tuir Diretor ADN Samuel Marçal hatete maski ohin loron komunidade kestiona ba estrada Tasi-Tolu liga ba Tibar, Likisa no Ermera, Kompañia fui asphalt dala ida tanba ADN mak husu par fui asphalt ne’e sementara tanba haree Tasi-Tolu ne’e rai rahun maka’as.

“Ha’u mak ba husu kompania para fui asphalt ne’e dala ida, tuir lolos kalendariu sira seidauk bele tau asphal ba maibe tanba ho bertepatan ho serimonia ne’e, mak ba husu ajuda ba Kompañia atu nahe deit primeira faze nia nian atu hatan ba serimonia loron konsulta popular dala-20 no Misaun INTERFET (30 Agostu 1999-30 Agostu 2019) nian,” hateten Diretor AND, ba jornalista sira depois de preparasun ba Troka Nota Entendimentu iha palasiu Governu, Tersa-Feira (27/8).

Nia dehan, tuir loloos nahe asphalt ne’e tenke faze badala rua, etapa primeiru no etapa segundu maibe ida ne’e tenke nahe uluk dala ida para atende ba serimonia bo’ot ne’e. “Ida ne’e tanba ita nia serimonia monu los iha loron 30 de Agostu ha’u husu sira ajuda para nahe primeira faze hodi atende deit serimonia, nomos atende rai rahun ka rai u’ut ne’ebé mak iha Tasi-Tolu para labele iha serimonia ne’e rai rahun ne’e barak,” heteten Diretor.

Nia dehan, maibe depois de serimonia liu tiha Kompañia sei kontinua nafatin ninia servisu hanesan bai-bain to’o remata, ne’ebé total konstrusaun estrada Tasi-Tolu nia ne’e total hamutuk millaun $6 ne’e hosi Tasi-Tolu to’o Tibar sorin ne’eba. Nia haktuir katak, loke estrada foun hare sa’e to’o foho ne’eba, ne’ebé kustu bo’ot itoan, “tanba ita fera foho foun ne’ebé konstrusaun ne’e kustu maka’as itoan, prontu mais menus $6 ital miloens,” tenik nia.

Nia informa tuir loloos fim do anu ida ne’e konstrusaun estrada ne’e tenke hotu, sei la’o tuir kalendariu, “maibe ita hotu asiste ita nia situsaun politika rai ida ne’e dala ruma hasoru hela impase politika, pagamentu mos tarde buat sira ne’e hotu maka infrenta ba ejekusaun ne’e laba oin nomos la’o mos tarde itoan,” esklarese nia.

“Ne’ebé prontu ita hotu apar hela ho ita nia situasaun politika rai laran labele ansi ita aparende hosi ne’eba par ita hare tok aban bainrua liliu ba ita jerasaun sira aprende itoan hosi ne’eba par aban bainrua ita bele ukun karik ukun hatene ho esprenesia ne’ebé diak,” Iforma nia. Nia dehan, estrada ne’e mais menus ninia luan hare iha ne’eba iha dua jalur (two went) ida sorin 6-7 meter no sorin 6-7 meter, ne’ebé nia kualidade sempre kolia dehan ADN nia tes ne’e kolia kona-ba kualidade bazeia ba dadus.

“Dadus ne’ebé mak dezenu antes fo tiha ona ba ADN, ADN sei hare fali ba dadaus ne’e uja hodi sei ba tes fila fali iha laboratorium, nune’e buat hotu priense kriteria diak maka ADN selu, ne’ebé ba komunidade lalika preokupa ho kualidade,” hateten Marçal. Marçal dehan, “kualidade ne’e estadu selu ona ADN para atu kontrola nia kualidade, ADN reprezenta povu nia hakarak ne’ebé ita hotu fiar nafatin ba malu liliu ADN, Obras Publika atu kontrola oinsa buat ne’ebé ita halo estadu tau fiar ba sira halo diak,” nomos sei garante kualidade par estadu bele tau nafatin konfiansa ba sira.

Nia dehan tan, ADN La’os kontrola kualidade hosi Kompañia Internasional deit maibe kontrola kualidade mos ba Kompañia nasional sira, Kompañia nasional hetan fiar hosi estdau halo diak ba par manan konfiansa nafatin hosi estadu, nune’e estrada ne’ebé iha rua sei bainhira hotu sei uja ida foun ne’e deit par besik no lalais liu, ne’ebé ida kraik tasi ibun ne’e hau hanoin aban bainrua hanesan alternative deit, Informa marçal. (BT)