DÍLI----Instituisaun Bankaria hanesan banku Mandiri Dili apoiu Instituisaun Siguransa hanesan Polisia Nasional Timor-Leste (PNTL) hodi realize programa Loron Dili haksolok ka (Dili Haksolok Day).

Objetivu banku Mandiri apoiu inisiativa ida ne’e tanba hanoin kreativu rasik husi Polisia Nasional Timor Leste nian hodi preparasaun ba loron konsulta popular bad ala 20 ne’ebe mak sei akontese iha loron 30 fulan Agostu tinan ne’e.

Tuir Manager Jeral Banku Mandiri Timor Leste Jan Winston Tambunan hateten katak Banku Mandiri nia apoiu ba inisiativa PNTL nian tanba hakarak atu lori Instituisaun PNTL atu bele hakbesik liu tan ba povu nune’e bele lori povu ne’ebe saudavel nomos moris iha dame nia laran.

“Banku Mandiri apoiu ida ne’e tanba ida ne’e Inisiativa husi ita nia Komadante PNTL ita nia ne’ebe ho inisiativa diak ho nia objetivu mak atu oinsa PNTL Bele besik liu ho populasaun sira, rajaun segundu mos oinsa bele hasae saude populasaun ninian tanba ita hare katak ohin loron iha moras barak mak populasaun sira hetan maske durante ne’e governu tau osan boot hodi kura ita nia povu sira ne’ebe afeita moras.” dehan Manager Jeral Banku Mandiri Timor Leste Jan Winston Tambunan ba jornalista sira iha Edifisiu CNE nia oin Sabadu (27/07).

Nia mos esplika katak banku Mandiri Timor Leste kontinua iha komitmentu apoiu programa refere tanba hakarak kontribui ba kresimentu saude povu nian nomos dezenvolvimentu nasional. “Oinsa bele hakbesik ba populasaun sira hodi nune’e kada loron tenke halo rutina ejersisiu no ida ne’e diak tebes ba saude povu nian, Bainhira populasaun sira moris iha saudavel bele fo kontribuisaun ba kresimentu saude povu nia, fo kontribuisaun ba dezenvolvimentu nasaun,” katak nia.

Nia mos apresia ho hanoin kreativu husi Komadante PNTL ninian no nia promote katak banku Mandiri Nafatin iha komitmentu hodi suporta programa refere nune’e bele realize mos iha fatin seluk.

“Ida ne’e ita hahu hanesan simbolu (istila) the Water maibe objetivu ne’ebe mai ho lolos iha future populasaun hotu hatene ona programa ne’e iha loron sabadu iha kafre iha Dili mak populasaun barak ho nia familia sei hola parte iha programa ida ne’e hodi halo interasaun diak ho komunidade seluk ne’ebe hola parte iha programa ne’e nune’e bele hamenus kriminalidade iha sosiedade nia Let.” Informa nia.

Iha biban ne’e mos Segundo Komadante PNTL Munisipiu Dili Euclidis Belo hateten mos katak PNTL Munisipiu Dili Inisia Programa refere ba preparasaun komemorasaun loro 30 Agostu liu liu kona ba loron konsulta popular nian ne’ebe hodi lori Timor leste nia determinasaun ba Indepedensia nian.

“Portantu tema ne’ebe komandu PNTL munisipiu Dili inisia atu komemorasaun ba loron 30 Agostu 2019 ninian liu liu ba loron konsulta popular tan ne’e Komando Munisipiu Dili inisia depois ita realize programa ida ho naran Dili Haksolok,” katak nia. Nia dehan Tema Dili Haksolok Day nudar tema ida ne’ebe mak hakarak atu hafanu sosiedade nomos instituisaun sira oinsa bele harii dame iha kapital Dili nune’e bele fo kontribuisaun ba dezenvolvimentu nasaun ninian.

Euclidis Belo husi programa ne’e nudar programa Dahuluk husi PNTL hodi realize programa hodi konvida partisipante sira hanesan Embaixador Indonesia ba Timor Leste, Komunidade, PNTL nomos funsionariu sira husi Banku Mandiri rasik. Maibe nia dehan maske programa refere foin realize maibe tuir planu sei halo mos iha munisipiu inklui mos iha fatin risku sira nune’e bele lori PNTL bele hakbesik liu tan povu nune’e hodi fo kontribuisaun ba Dame iha Pais ne’e.

“Kona ba partisipasaun membru sira nian klaru katak ami inisia ida ne’e bele uniformiza treinador balun depois hotu tiha ida ne’e ami sei habelar nafatin ba iha munisipiu inklui mos iha fatin seluk tan, Kona ba fatin risku sira planu mos sei realize iha ne’eba oinsa bele halo PNTL bele besik liu ba iha Komunidade sira hodi harii dame iha nasaun ne’e,” informa nia. (BT)