DÍLI----Relasiona programa annual Kompañia Teddy Lottery hodi kabesik ba kliente sira tan ne’e Kompañia Teddy Lottery realize programa Timor Scratch ho nia tema “Muda o nia Moris” durante loron 2 iha Timor Plaza (TP).

Tuir Estaf husi Kompañia Teddy Lottery Juanita Soares hatete Kompana Teddy Lottery realize programa ne’e oinsa bele dada konfiasa publiku nian tanba durante ne’e ema barak mak seidauk fiar jogu ne’ebe fornese husi kompania. 

“Ema hola nafatin maibe seidauk manan bot mak ne’ebe mak ema ladun fiar, maibe fiar katak aban ema hola manan bot iha ona, hodi nune’e bele sufisiente no rekoñese ba ema hotu, hodi nune’e bele mai hola kontinua ami nia produtu ida ne’e, dehan Estaf husi Kompaña Teddy Lottery Joanita Soares, hafoin remata eventu primeiru iha Timor Plaza (TP), Segunda-Feira (29/07).

Nia hatutan liu husi eventu ne’ebe iha konsege hetan apresia barak husi publiku maibe prezente ne’ebe mak manan nain sira manan kiik tebes iha loron dahuluk nian. “Loron primeiru ema kona iha maibe manan osan ki’ik hanesan $10, $20 maibe manan bot seidauk iha, espera ba oin ema bele manan bot iha ne’ebe mak fo fiar ba ema seluk hodi nune’e mai kontinua ami produtu ne’ebe mak iha fa’an,” dehan nia.

Nia esplika katak Eventu ne’e hala’o loron rua durante semana ida, tanba eventu refere halao mos kada fulan oinsa bele hakbesik liuba komunidade sira ne’ebe mak durante ne’e seidauk kuinese produtu kompania nian. “Hala’o kada fulan ida ne’ebe mak ami hala’o loron rua ho tolu, aban loron ikus ne’ebe mak ema mai hola ami nia produtu ida ne’e manan bot ami entrega premiu ho osan ne’ebe mak prepara,” afirma nia. Nia hatutan tan ema mai hola prodtu ida ne’e mak manan osan ne’ebe mak bot sei entrega iha edifisiu Pantai-Kelapa Pertamina Bot nia sorin, tanba durante ne’e sira publiku barak mak manan premiu osan, husi $500-$10.000 inklui mos Motor. (BT)