DÍLI----Sekretáriu Estadu Formasaun Profisionál no Empregu (SEFOPE) liu husi Diresaun Nasionál Empregu (DNE), fahe Sertifikadu ba kandidatu traballadór sira hamutuk 222 ne’ebé mak atu ba servisu iha Australia, liu husi programa Seasonal Worker Program (SWP) ne’ebé tuir ona formasaun Lian Ingles, iha Ajensia Dezenvolvimentu Timor-Leste (ETDA).

Traballador hamutuk na’in 222 ne’ebé mak simu ona Sertifikadu, durante ne’e tuir formasaun fulan rua iha área lian Ingles iha ETDA, ne’ebé mak hodi koopera SEFOPE ho DFAT no Paladium, WDPTL hodi apoiu ba programa Mão de Obra liuliu ba kandidatu traballadór sira ho programa SWP nian.

Diretor Jeral SEFOPE Paulo Alves hatete formasaun lian Ingles importante ba traballdor timor oan sira, ne’ebé mak ba servisu iha Australia, tanba durante ne’e preokupasaun husi kompaña ne’ebé mak fo servisu ba trabaladór timoroan sira, hodi komunika ba malu atu nune’e bele servisu ho diak.

“Estudante sira ne’ebé mak simu sertifikadu ne’ebé tuir formasaun iha ETDA durante fulan rua, ne’ebé kooperasaun atu fo apoiu SEFOPE liu husi programa ne’ebé mak iha, hodi haruka Joven sira ba involve iha programa Seasonal Worker Program ninian no kapasitasaun ingles nian ho durasaun fulan rua,” dehan Diretor Jeral SEFOPE Paulo Alves iha nia diskursu iha Salaun Ajensia Dezenvolvimentu Timor-Leste (ETDA), Kuarta-Feira (31/07).

Nia hatutan Programa ida ne’e importante tebes, ba kandidatu joven sira, preokupasaun joven nian ne’ebé mak husi kompañia ne’ebé mak fo servisu ba timoroan sira iha Australia, tanba komunikasaun lian ladun domina, tanba ne’e lian importante tebes ba joven sira ne’ebé mak hakarak ba servisu iha Australia.

Governu Timor-Leste liu husi SEFOPE sei halo kooperasaun servisu hamutuk ho Governu Autralia ne’ebé mak liu husi DEFAT nian, hodi fo apoiu SEFOPE atu nune’e halo formasaun Lian Ingles durante fulan rua. Manajer Ajensia Dezenvolvimentu Timor-Leste (ETDA) Januario M. Neto Moc hatete molok joven hirak ne’e tuir kursu hahú ho tetste ba sira ida ida bhosi hatene sira ninia abilidade iha lian ingles nian to’o iha ne’ebé.

Hahú iha Plesmen test ba kandidatu hamutuk 441, husi 441 sira ne’ebé mak konsege, refere ba tuir formasaun 222, agora 19 mak sei hare sira ne’ebé mak priense ona rekezitu báziku ne’e husi 400 hanesan ne’e 19 deit mak priense, maibe ho valor ne’ebé mak minimu.
Manajer ETDA esplika Formasaun durante 80 Oras, aloka fatin ida ne’e mak formador hamutuk nain 6 ne’ebé mak koloka ba programa ida ne’e, ho Lian Inglesh hodi utiliza manual.

Nia dehan Lian Ingles importante tebes hodi fasilita sira nia abilidade no komunikasaun hodi konversa ba malu bainhira ba servisu iha Australia, tanba ne’e mak SWP, ku’u Ai Fuan ne’e presiza lingua ne’ebé mak hodi komunika. Formandu sira ne’ebé simu sertifikadu sei ba sservisu iha programa SWP liu-liu iha area hortikultura nian hanesan atu ku’u ai-fuan, ida ne’e sei fokus ba programa ne’ebé boot.

Iha fatin hanesan Madalena Borses Ximenes hatete, apresia tebes ho programa ne’ebé mak Guvernu liu husi SEFOPE hamutuk ho Governu Australia hala’o dadauk ne’e hodi prepara Joven Timor oan sira ba merkadu trabllu.

Nia iha esperansa katak liu hosi kursu ne’ebé nia remata bele loke dalan ba nia atu ba servisu iha Australia. “ Agradese no apresia tebes, bainhira simu sertifikadu, ne’e hanesan dalan no pasu ida ba traballadór sira atu atinji mehi ne’ebé mak iha,”dehan nia. (BT)