DÍLI----Adelino Gama nu’udar manan nain osan ho valor hamutuk $1000 ne’ebé mak liu husi koir kartaun husi Kompaña Timor Scratch hodi hetan osan ho valor $1000.

Sorte ne’ebé nia hetan la espera tanba liu husi koir kartaun kosege lori sorte murak ba nia hodi hatan ba problema ne’ebé nia infrenta iha familia uma laran. Tuir Adelino Gama hanesan manan nain hatete osan ne’ebé mak manan sai orgullu boot ida ba nia tanba nia la espera atu bele hetan osan ne’ebé mak iha.

“Hau nia hanoin osan ne’ebá mak hau manan ne’e ohin hau hola deit osan dollar $2 maibé hau kona fali osan ne’ebé mak ho valor bot maibe hau senti hakfodak tanbá ohin hau kona osan ne’e hanesan sorti ida ne’ebé mak hau iha” dehan Adelino Gama hafoin manan osan ho valor $1000 ba Jornalista BT iha Timor Plaza (TP) Comoro, Kinta-Feira (14/03).

Adelino hatutan osan nia hetan sei atende ba problema familia uma laran no mós atu atende oituan ba hare oan sira nia eskola. Alende Marketing husi Kompaña Timor Scratch Simão de Oliveira hatete objetivu ba atividade ida ne’e oinsa bele muda kliente sira nia moris tanba laos deit atu hetan lukru maibe bele ajuda mos komunidade sira.

Nia mos afirma katak to’o oras ne’e kliente barak ona mak manan ho valor osan ne’ebé boot husi munisipiu tanba atividade refere oras ne’e lao iha munisipiu 12 inklui mos RAEOA. Simão dehan atividade refere ho objetivu katak, atu promove produtu liu-liu ba Timor Scratch kartaun koir.

“Objetivu katak, ami husi premiu ne’ebé mak atu entrega ba ami nia moto rasik atu muda ba ita nia moris liu husi moto ida ne’e, atu muda ba ita nia moris la’os ami mai fan deit kartaun Maibé ami mós iha premiu ne’ebé mak ohin ita hare dadauk ne’e, ami atu entrega ba sira ne’ebé mak kuandu wainhira hola ona produtu kona ami bele entrega maibé liu husi prosesu sorteiu ho dada rifa mak foin hetan premeiu sira ne’e,” katak nian.

Nia dehan kadaves premiu sira ne’ebé kompañia prepara mak hanesan Speaker, Jelera ida TV no seluk-seluk tan. Nia mos informa katak kompañia mos sempre halo eventu ba publiku atu oinsa bele fo kuinese di’ak liu tan produtu kompañia nia ba iha publiku. (BT)