DÍLI----Xefe Departamento Agua Munisipio Dili Antonio Freitas hateten, volume bee matan menus tanba ne’e mak fo inpaktu ba komunidade sira iha Manleuana la asesu ba bee moos.

“Iha Manleuana iha aldeia Ramelau ho Dit nia ne’e kuandu bee menus sira labele hetan bee tanba, kuando mota ulun udan maka’as enatun bee ne’ebé tama iha rezervatoriu ne’e la sufsiente atu kobre tanba ne’e mak sira la iha bee,” hatete Antoniu Freitas ba Bt Kuarta Feira(13/03).

Nia dehan makse nune’e ekipa Agua Munisipiu Dili kuntinua kontrola oinsa atu bele regula para bele fahe bee ho di’ak tuir oras no bee tenke to’o ba ema hotu. Volume bee menus iha tempu udan tanba kanu balun intupidu nune’e bee ba rezervatoriu nia volume labele bo’ot.

“Entaun ami nia pesoal sira hamoos fila fali mak bee ne’e tama ba rezervatoriu ne’e di’ak, populasaun ne’ebé mak la hetan bee ne’e ami bele jere para sira bele hetan fila fali,” nia dehan. Nia dehan, sira halo plano estrategiku karik volume bee ne’e la to’o atu fahe sira sei aumenta tan volume atu populasaun sira ne’ebé mak durante ne’e halerik ba bee la to’o bele to’o fila fali.

“Ida ne’e mak nia plano ho orsamento ne’ebé iha sei aumenta tan jaringan pipa n aumenta volume,atu nune’e bee ne’e bele to’o, liu-liu iha Aldeia Ramelau no DIT atu sira bele asesu bee ho di’ak,” nia dehan. Nia dehan, Manleuan ne’e uza bee matan moos nia rezervatorio, tratamento iha bee moos nia nia volume iha 24 deit mak fahe ba populasaun iha Manleuan la sufsiente.

Entrtantu Xefe Aldeia Ramelau João Gonsalves hateten, populasaun iha aldeia ne’e enfretna tebes problema bee moos ne’e iha tempo naruk nia laran, maibe to’o agora governo seidauk halo instalasaun bee moos ne’ebé mak di’ak. Nia dehan,total komunidade iha aldeia ne’e hamutuk 6000 resin sira la asesu ba bee moos ho di’ak, semana ida bee sai loron rua, sira ne’ebé mak uza tanki ka masa litru 1000 ne’e sei tabun hodi uza netik.

“Maibe komunidade sira ne’ebé mak la tabun bee ne’e tenke ba kuru iha kompañia husu la fo entaun sira la kuru tenke sosa fali bee moos husi kareta tanki sira,” nia dehan. Tanba ne’e nia husu governo tenke dada kanalizasaun di’ak ba komunidade iha Aldeia ida ne’e nune’e populasaun aldeia ida ne’ebé bele asesu bee ho di’ak hanesan ho komunidade seluk. (BT)