DÍLI----Timor Leste ninia area turizmu kontinua dada turista sira atu mai vizita nasaun foun ne’e, ne’ebé foin ukun-an ba tinan sanulu resin maske ikus ikus ne’e folion tiketi aviaun nian aumenta maka’as.

Diretor Jeral Turizmu, Ministeriu Turizmu Komersiu no Industria, Jose Filipe Dias Quintas hateten makse folion tiketi sa’e maibe ami halo observasaun ba iha numeru pasajeirus ho aviaun viajen ba mai iha timor leste aumenta ba bebeik komesa husi 2015 to’o 2017 ne’e sa’e hela deit.

“Iha 2015 numeru passageirus estrangeirus mai iha Timor-Leste ne’e ho pursentu 65 % 2016 sa’e tan ba pursentu 67 (%) no mai tan iha tinan 2017 ne’e sa’e ba 76 porsentu no 2018 ne’e ami seidauk fó sai tanba relatoriu seidauk hotu no sei halo hela,” dehan diretor Jeral do Turizmu Jose Filipe Dias Quintas ba BT iha nia knaar fatin farol Dili, segunda (04/03).

Turista sira ne’e mai hare hosi aspeitu tolu (3), aspektu primeiru mak mai husi parte fronteira trestre ne’ebé liu hosi Batugade nian, aspektu segundu mak mai husi aeroportu internasional Nicolau Lobatu no ikus liu mak liu husi tasi hanesan ró turista sira foin dadauk mai visita iha ne’e tanba ne’e sira mos kontribui ba taxa turizmu nian.

“Tanba ne’e durante ne’e mesmu ita nia folion tiketi sa’e hela deit maibe ema estrnageiru sempre mai visita hela deit iha ita nia nasaun Timor-Leste tanba ita kompara ho nasaun seluk hanesan Singapura, Bali sira ne’e ema temi turista sira dehan ne’e ami ba hela deit so iha Timor Leste ne’e mak ami seidauk ba,”hakatuir diretór ne’e.

Nia haktuir tan,mezmu fatin sira hanesan Singapura ho Bali ne’e diak maibe iha Timor ne’e rai ida foin ukun ne’e ema hot-hotu hakarak haree fatin turismu sira ne’e. “Maibe komu ita fatin sira hanesan Kristu rei, Largo Bidau Lecidere, João Paulo II, Tasi Tolu nian ne’e komunidade sira ba halimar la iha konseinsuia so’e fo’er arbiru deit la tau iha fatin sampah ninia,”hatete nia.

Nia dehan importante mós oinsá atu normaliza fali folion tiketi nian iha ita nia rai laran atu nune’e ema halo viagem ba mai presu tiketi nian ne’e normal. Nune’e, kona-ba ambiente importante tebes banhira kuandu ema husi estranjeiru mai vizita fatin turismu sira ne’e tenke mós tanba ne’e komunidade tenke iha konsiénsia atu labele so’e foer arbiru. Tanba sei buka meus para ko’alia ho presidente Munisipiu Dili kona-ba limpeza iha fatin turizmu sira Kristu rei, Largo Bidau Lesidere no João Paulo II nian.

“Ne’ebé agora atu halo kontrolu ba fatin turizmu sira hanesan iha Dili ne’e so administrador munispiu nia mak responsabiliza ba iha fatin sira ne’e maibe ami so hatene deit ba numeru ka pursentu sira mai vizita iha ita nia nasaun ida ne’e,” dehan nia. Tanba ne’e mos ha’u husu ba publiku sira katak bainhira ba visita fatin sira ne’e sei bele karik soe faor iha fatin ne’ebé stadu prepara ona nune’e fatin turizmu sira moos hodi atrai nafatin turista sira mai vizita nasaun foun ne’e. (BT)