DÍLI----Reitor Universidade Dili (UNDIL) Jose Bello husu ba Governu liu husi Sekretáriu Estadu Formasaun Profisional no Empregu (SEFOPE), tenki iha koperasaun ho nivel Universidade sira atu labele hare no depende liu ba iha formasaun sira hotu iha Teretoriu laran tomak maibe presiza haree mós ba iha nivel universitari sira.

“Formasaun la’ós deit loke ba Munisipiu sira maibe formasaun ne’ebe loke ba iha Estudante Nivel universitari sira atu prepara ita nia Estudante joven sira iha servisu ne’ebe mak iha ita nia rai laran, la’ós Indentifika deit joven atu ba rai liur, maibe governu presiza haree mós iha nivel universitari sira atu loke formasaun ba sira hodi hasae sira nia kapasidade mos iha nivel formasaun ne’ebe iha, Estudante ne’ebe durante ne’e hetan graduadu maibe difisil oituan atu oinsa mak sira absolve a’an iha servisu,” dehan nia Reitor UNDIL ba BT iha nia knaar fatin Balide Kinta-Feira (21/02), hafoin husu ninia observasaun kona-ba efeitu formasaun ba timoroan sira durante ne’e.

Tanba ne’e nia informa tan katak, wainhira atu kapasita a’an iha servisu presiza mos iha konesementu ba formasaun sira atu bele absolve a’an iha servisu, la’ós deit prepara-an deit iha tinan lima nia laran iha kadeira universitari maibe presiza mos konesementu iha formasaun sira. 

Reitor ne’e husu ba governu no liu husi SEFOPE atu tau mos prioridade ba iha Nivel Universitariu sira atu bele kapasita sira a’an liu husi Eskola no mos iha formasaun sira ne’ebe mak iha konesementu no iha kapasidade hodi prepara a’an ba iha servisu.

Alende ne’e nia mos informa liu tan katak, iha Estudante barak mak Tinan-Tinan Universidade produs maibe susar ba sira atu hetan kapu de servisu, tanba ne’e ne’e presiza governu iha hanoin atu bele loke mos formasaun konba Estudante sira iha nivel Universitari nian.

Tuir Akademi nia hare, katak estudante sira mos lalika hanoin deit katak tianan lima tenki gradua maibe presiza mos buka hatetene katak,antes tinan lima remata iha nivel Universitari Presiza iha konesementu ba buat ruma atu bele kapasita an iha servisu ruma. Nia hateten katak, Estudante Labele atu hein deit tinan lima tenki remata maibe Estudante mos presiza buka informasaun no konesementu ruma atu kria diak liu tan konesementu ne’ebe mak dia iha Estudu no prepara A’an iha Futuru.

Tanba ne’e nia sujere liu tan katak,Estudante mos presiza buka hatene saida mak nia Seidauk hatene atu nune nia bele esforsu nia a’an ba iha formasaun sira hodi bele hasae nia konesementus Atu Tianan liam nia hotu iha Universidade ida mos nia bele iha Esprensia ne’ebe mak diak hodi bele kompete iha kampu de servisu sira.

“Estudante presiza mos konesementu husi formasaun sira atu kapasita diak liu tan sira nian Estudante la’ós deit aprende deit iha teoria maibe Estudante mos presiza iha pratika ne’ebe mak diak ba sira la’ós iha Eskola deit maibe presiza mos iha formasaun ba sira atu sira komprende diak liu tan no hase sira nia konesementu”.

Alende ne’e mos nia koalia kona Prosesu Orientasaun ba Estudante Tinan Akademiku 2019 ne’ebe sei Realiza ohin dia (21/02 )to loron sabadu dia (23/02) iha orientasun ne’e mos sei iha atividade tur palaestra Universitari nian ne’ebe iha. (BT)