DÍLI----Ministru Turismu Komersiu Industria (MTCI) liu husi Diresaun Nasionál Regulasaun Komersiál no Protesaun Konsumidores (DNRCPC) vendedor ambulante sira ne’ebé mak dadauk ne’e hala’o hela sira nia aktividade kuaze okupa fátin públiku ne’e ladun dignu ba sira nia negosiu ki’ik sira.

Diresaun Nasionál Regulasaun Komersial no Protesaun Konsumidores Negósiante sira ne’ebé mak hala’o hela sira nia aktividade iha Kapital Dili laran mak hanesan roda tolu no mós negósiante sira seluk ne’ebé mak okupa hotu fátin públiku ne’e bele fó impaktu ba ita nia saúde tanbá negósiante sira fa’an deit iha loron manas no mos fa’an deit iha rai rahun.

Tuir Domingos da Costa Guteres nu’udar Diretór Diresaun Nasionál Regulasaun Komersial no Protesaun Konsumidores hatete vendedores ambulante no roda tolu sira ne’ebé mak agora dadauk hala’o sira nia aktividade iha Kapital Dili laran, kuaze fátin Públiku sira ne’ebé mak sira hodi hala’o sira nia aktividade no fa’an sira nia sasan ne’ebé mak sira iha.

“maibé atu hatete deit katak, Ministériu Turismu Komersiu Industria liu husi Diresaun Nasionál Regulasaun Konsumidores, atu haklaken katak, tuir pontu de vista ne’ebé mak iha fátin Públiku sira ne’ebé mak atu halo negósiu ne’e ita bele dehan katak, ladun dignu ba ita nia negósiu ki’ik sira”hatete Domingos da Costa Guteres nu’udar Diretór Diresaun Nasionál Regulasaun Komersial no Protesaun Konsumidores ba BT iha nia servisu fátin Fomentu Bebora Mandarin, Kuarta-Feira (20/02)

Domingos hatete hanesan ne’e, kadaves sasan sira ne’ebé mak sira fa’an tau iha loron manas sira tau iha rai rahun laran ida ne’e mós bele fó impaktu ba ita nia saúde, at liu tan sira útiliza Jardin sira ne’ebé mak sira okupa hela liu-liu iha Kapital Dili laran kuaze Jardin sira útiliza ba negósiu ninian, maibé Ministériu Kompotenti liu-liu Ministériu Estatal liu husi autoridade Munisípiu Dili nian, liu husi Jestaun Merkadu nian.

Nia dehan Tenki kontrola mós ba iha parte sira ne’ebé mak kumpri ona Lei orden hijeni Públiku nian katak, liu husi autoridade Munispiu Dili nian, ida ne’e tuir lolos atu implementa dekretu lei ne’e atu nune’e sidadaun hotu-hotu ne’ebé mak hela iha dili laran, tenki kumpri lei ne’e, tanbá ita bele dehan ita nia jardin no mós fátin sira ne’ebé mak públiku ne’e la merese hala’o negósiu, tenki kontrolu no mós fó informasaun atu nune’e sira bele lori transmiti ona ba merkadu sira ne’ebé mak Guvernu prepara ona iha Kapital Dili.

“Tanbá ne’e merkadu hanesan manleuana taibessi atu nune’e vendedor hotu-hotu ne’ebé mak iha, ita bele dehan katak, utilize merkadu ne’e sai hanesan ne’ebé mak no sentru ba vendedor sira bele hala’o sira nia aktividade refere”dehan nia. Diretor hatete maibé realidade ita bele dehan katak, falta kordenasaun no mós menus kontrolu ne’ebé mak diak, merkadu ne’ebé mak iha Dili laran ne’e Merkadu ki’ik, akontese problema barak los.

Hanesan fátin sira ne’ebé mak Jardin no mós fatin Públiku atu atrai turista sira atu mai atu hala’o paseiu no buat ruma,maibé agora sai fali mini Merkadu, ida ne’e mós parte ida tenki hare didiak ba kestau sira ne’e hotu. Tanbá ne’e mak ami liu husi MTCAI liu husi Diresaun Nasionál Regulasaun Komersial no Importasaun Konsumidores atu hateten ne’e liga ba parte ida ne’ebé mak hare seguru no mós hare ba seguransa no mós ba saúde liga mós ba Meiu Ambiente.

Sasan sira ne’ebé mak oferese ba kliente no konsumidor sira kadaves ladun saúde ne’ebé mak diak, tanbá sira tau iha loron manas tau iha udan ben rai rahun kona ne’e bele afeita tebés ba ita nia saúde. Tan ne’e bele fó impaktu mós meiu Ambiente tanbá Lixu ne’ebé mak produs husi negósiante ki’ik sira soe arbiru iha ninia fátin ne’ebé fa’an sasan, hakarak lakoi sira tenki ba utiliza Merakadu ne’ebé mak dadauk ne’e Guvernu prepara hela, atu nune’e sira bele hala’o sira nia kn’ar negósiu ne’ebé mak diak, dehan. (BT)