DILI----Atu halo tratamentu ne’ebé dígnu ba negosiante iha Kampun-Alor oras ne’e dadaun Ministeriu Comerciu Industria (MCI), registu ona negosiante 204 atu muda ba Otel Golgota Moll.

Politika implementasaun programa ne’e hanesan kontinuasaun husi VI Governu Konstitusional nian ne’ebé mak halo tiha ona, tan ne’e Ministeriu Comerciu Industria hatutan nafatin hodi nune’e, kria politika oinsa mak bele muda negosiante sira iha Kampun-Alor.

Diretor Nasional Regulasaun Komercial, Domingos Guterres hatete, politika ida ne’e ministeriu halo ona dialogu ho negosiante sira iha Kampun-Alor, hanesan mekanismu ida ne’ebé mak diak iha futuru. Nia hatutan, VII Governu Kontitusional liu husi Ministeriu Comerciu Industria uza maneira ne’e para regula atividade komercial iha rai laran li-liu iha kapital Dili.

“Ita labele uza mapamentu ida ne’ebé ita iha, tan ne’e mak husi parte regulasaun nia hare katak, durante ne’e atividade ne’ebé sira halo, ladun furak iha timor nomos falta de kontrolu nomos falta terminasaun ida ne’ebé seguru.
Kadaves sira utíliza espasu sira ne’ebé mak iha, tuir sira nia hakarak no la merese atu halo sira bele halo, tanba iha baleta no drainazen sira uza halo negosiu hodi estraga ambiente iha tenpu udan.

Tanba ne’e mak ba oin ita bele regula ona atividade komercial hotu iha kapitak Dili no ita la bele fo espasu demais ba ema depois ema hetan lukru depois fila la kontribuisaun ba ita nia rai, tan ne’e mak politika Ministeriu Komerciu Industria servisu hamutuk ho Deploper, oinsa atu kria kondisaun ba sira,” atual Diretor ne’e informa.

Nia tenik, numeru negosiante Kampun-Alor ne’ebé DNRC regista hamutuk 204 no kompostu husi atividade oi-oin. “Numeru negosiante husi Kampun-Alor ne’ebé mak durante ne’e ita rekolha hamutuk 204, husi numeru hirak ne’e kategoriu ba atividade hanesan negosiante faán ropa 148, sapatu 27, kosmetik 5, sasan dapur 17, eletronik 2, restorante 1, sembako (nesesidade basiku) 3 nomos ekipamentus eskritoriu 1.

Tan ne’e mak ita kria mekanismu ne’e ho ninia politika ida para kria kondisaun ne’e ba sira, hodi nune’e kapital Dili sai kapital ida ne’ebé diak. Nune’e sidadaun ida ne’ebé deít mak iha Timor-leste bele kompri regras sira ne’e. (BT)