DILI----Atu kompete iha merkadu presiza hasa’e kuantidade hodi nune’e Ministeriu Comerciu Industria (MCI) tenta para hamenus importasaun maibe persija kuantidade as.

Tuir diretór Jerál Indústria MCI katak bee mos produtu organiku ida ba ema nia nesesidade hanesan Agua gelas (kopu), Aqua Botir inklui Gallon oras ne’e sirkula iha merkadu, tanba bee aqua sei liu husi prosesu mak hafoin bele konsumu. Oras ne’e dadauk, maioria Povu timor konsume bee Aqua, hanesan Gallon, aqua butir, nomos aqua gelas (kopu).

Dala barak iha eventu ruma ema semper prepara be aqua hodi kosumu durante eventu ne’e lao hela. Be aqua laós produs iha kapital deít, maibe iha munisipiu balun hahu ona produs bee Aqua hodi atende ba ema nia nesesidade, tanba atu valorize produtu lokal sai mos produtu ida ne’ebé bele fo benefisiu ba ema nia saudé.

Tuir Diretor Geral Industria, Antonio da Costa iha nia intervista sigunda semana ne’e hatete katak, investimentu produtu lokal hanesan faze ida importante oinsa atu bele diversifika produtu ne’e hodi bele kompete mos iha merkaduria. Maske produtu ne’e ninia kuantidade sei ki’ik, maibe iha merkadu lokal komesa ona kompete ho produtu sira seluk.

Tanba ne’e tuir DG haktuir, liu husi planu Ministeriu Comerciu Industria nian, oinsa atu dezenvolve produtu ne’ebé TL dadaun ne’e utiliza ho ninia rekursu rasik atu subtitui importasaun bee aqua maske iha volume ne’ebé barak nafatin, maibe ministeriu sei tenta para hamenus.

Nia afirma oras ne’e dadaun investimentu ba produtu aqua hetan ona legalidade husi parte kompetente, tanba produtu ne’e inportante oinsa atu bele diversifika ba ema hotu nia presiza. Nia lamenta tebes ho prekupasaun ne’ebé industria koperativa infrenta, maibe MCI sei halo akonpañamentu para fo treinamentu hodi hadi’a sira nia kualidade, tanba atu produs produtu ida ba ema nia nesesidade presiza halo kontrolu husi parte kompetente.

Alende ne’e DG iforma tan katak, kada tinan Diresaun Nasional sempre halo akonpañamentu ba indurtria sira, tanba industria balun sei eizste no balun paradu, tanba menus ba finanseiru nomos tekniku atu implementa. Diretor António konfesa tan katak, Industria koperativa ne’ebé iziste iha nasional nomos iha munisipiu kuaze atus ida resin ona mak estabelese hodi produs bee aqua.

Tanba ne’e nia husu ba investor sira ne’ebé produs aqua presiza kreativu, badinas no transparansia, hodi nune’e bele hasáe kuantidade produsaun hodi kompete ho produtu sira husi rai liur. (BT)