Virgilio Guterres
Virgilio Guterres

Virgilio Guterres
DILI----Maske instalasaun konta preparagu ba uma komunidade nian seidauk kobre hotu, maibe hahú husi fulan Janeiru to’o Dezembru tinan 2017 Eletrisidade de Timor-Leste (EDTL) hatama ona reseita hamutuk U$30,656.160,42 miloens ba kofre estadu.

Director Jeral EDTL Virgilio Guterres iha nia intervista semana foin lalais ne’e hatete katak, reseitas ne’ebé EDTL hatama ba iha kofre estadu la’ós mai husi energía ka kontadór prepagu, maibe liu husi mos koneksaun ilegal nomos koneksaun direta.

“Reseita hirak ne’e la’ós fa’an enerjia de’it, maibe reseita seluk mak hanesan ita fó multa ba ema liga direta nomos halo ligasaun foun sei iha rekoñesementu, ’’dehan DiretorJeral EDTL ba jornalista foin lala’is ne’e iha nia kna’ar fatin Kaikoli Dili.

Nia hatete, husi reseita ne’ebé barak liu iha kapital Dili, tanba nu’udar ba konsumedor energía listrik pursentu bo’ot liu. Tuir Diretór Jerál EDTL ne’e katak, dadaun ne’e buat hotu la’o di’ak, maibe EDTL sei kontinua hala’o ninia servisu para bele hetan susesu di’ak liu, tanba despeza boot liu.

Maske ne’e la kobre 100%, maibe fó mós persentajen ruma ba kofre estadu hanesan indikasaun ne’ebé di’ak. Portantu iha tinan 2017 tuir kalkulu EDTL hatama U$24 miloens, maibe to’o fin do ano ami hatama tan U$30 millaun ital ida ne’e hatudu katak progresu di’ak husi tinan ne’e ho reseita bele tama maka’as.

“Ami nia programa ba tinan 2018, maibe infelizmente buat hotu seidauk la’o di’ak espesialmente orsamentu la iha mais kuandu iha orsamentu mak sei sosa tan kontadores, maibe automatikas bele instala iha Dili liu konsumidór boot sira ita hotu hatene por volta 200 ital nune’e hatama osan mai estadu ami sei tau bele hatama reseita barak liu’’,dehan nia. (BT)