Raimundu da Silva Perreira ho idade 40 anos ne’ebé loke kios ho naran Bairia lokaliza iha Merkadu Manleu-Ana hatete, nia hahu fa’an Pop Ice komesa iha tinan 2010, ho modal $100.00. maibe ohin loron nia senti kontenti, tanba ho fa’an Pop Ice nia konsege hadia nia moris inklui sustenta familia.

“Antes ha’u atu fa’an Pop Ice, ha’u fa’an uluk plastik iha tinan 2009. Maibe iha momentu ne’eba kolega bapa ida ho naran Surding mak bolu ha’u hodi servisu ho nia, para fa’an Pop Ice. I iha tempu ne’eba ha’u komesa aprende barak husi nia oinsa halo Pop Ice ho di’ak, para dada ema (konsumidores) hodi mai hola.

Maibe durante ha’u servisu ho nia ha’u nunka simu osan (salariu) husi nia durante fulan neen. maibe tanba hakarak aprende hodi fa’an Pop Ice, ha’u nafatin servisu to nia husik ha’u mesak. Ne’e dunik ho fa’an Pop Ice ha’u konsege hadia ha’u nia moris, tanba ne’e ha’u la haluha hato’o obrigadu wain ba produtu Pop Ice”dehan Raimundu.

Nia hatutan, uluk nia hahu fa’an Pop Ice ho de’it mudelu (rasa) oin 3 hanesan coklat, strowbery no vanila. Maibe agora nia mos fa’an tan ho mudelu seluk hanesan, manga, talas, kacang hijau no ai ata, hodi hatan ba konsumidores nia hakarak.

Pop Ice ne’ebé nia fa’an kada plastik ida ho folin $0.50 cent, tanba Pop Ice ne’e sira sei blender hamutuk ho es batu inklui kahur mos ho susuben, depois mak foin fo ba ema ne’ebé sosa”esplika nia. Raimundu sublinha, kada loron ida ema sosa Pop Ice minimu liu mak kaixa ida (dos), i kaixa ida iha 250 sachet Pop Ice.

Ne’e dunik kada loron ida rendimentu minimu liu ne’ebé nia hetan mak $150.00 i maksimal $200.00. ne’e dunik kada ba sosa iha loja Dili Mark ho kaixa 20. Nia realsa katak, konsumidores ne’ebé durante mai sosa hahu kedan husi labarik ki’ik to ema bo’ot.

Ne’e dunik dala ruma nia koko husu ba konsumidores sira ne’e, sira dehan katak, sira gosta hemu Pop Ice tanba Pop Ice ida ne’e gostu tebes kuandu sira hemu iha tempu rai manas, tanba bele halo sira laran fresku hanesan Pop Ice. “Durante fa’an Pop Ice ha’u konsege halo uma bo’ot ida hodi ha’u ho familia hela inklui sustenta moris lor-loron nian. Ne’e dunik ho prezensa produtu Pop Ice iha Timor-Leste konsege halo ha’u, muda ha’u nia moris.

tanba ne’e dala ida tan ha’u hato’o agradese bo’ot ba produtu Pop Ice, tanba ho Pop Ice nia prezensa ohin loron ha’u bele hadia ha’u nia moris inklui familia, ne’e dunik ha’u husu ba kompania Pop Ice inklui loja iha Timor laran atu nafatin fa’an Pop Ice, tanba Pop Ice bele halo ema nia laran fresku iha tempu rai manas”dehan Raimundu. Tanba ne’e ba oin nia mos iha mehi bo’ot atu habelar tan fa’an produtu Pop Ice ho ala blender iha bairro seluk, tanba tuir nia hare’e konsumidores barak mak gosta hakarak hemu Pop Ice. (BT)