OE-CUSSI----Konsultan supervizaun ba ponte Noefefan, Samuel Martins de Araújo rekoñese konstrusaun ba obra ponte Noefefan, Oe-Cussi la’o tarde tanba empreza Adhi Karya labele finalize projetu tuir kontratu ne’ebé iha.

“Projetu ponte Noefefan ne’e komesa implementa hosi Marco 2015.

Tuir loloos projetu ne’e hotu iha tinan kotuk fulan Novembru, maibé labele finaliza tuir tempu tanba sei hein material ne’ebé projetu ne’e labele finaliza tuir kontratu ne’ebé iha tanba atrazu hosi material konstrusaun,” Dehan Samuel ba BT, iha Oe-Cussi semana liu ba. Nia esplika Ponte refere ho nia naruk 360 no nia luan 7 metrus. Enkuantu obra ne’e kompleta mós ho fatin ba ema la’o ain no fatin ba animal atu liu, hosi parte karuk no los.

Alende ne’e ponte ne’e iha mós arku tolu kada arku, 120 metrus. Estrutura ba ponte ne’e iha pillar rua no iha mós abutmen rua nia profinidade iha varies diferentes 18 metrus, depois ihan pilar um ho dois ne’e nia profinidade iha 24 no iha 25. “Orsamentu ba projetu ponte Noefefan 17 miloens, ne’e baratu liu ponte Komoro no Di’ak liu.

Ponte Noefefan, ponte ne’ebé di’ak liu ona iha Timór no ponte ne’e sei dura ba tinan 100,” Supervizór ne’e hatete. Enkuantu obra ne’e sira foti hosi Indonesia Palembang. Maibé Palembang ne’e la iha dalan ema la’o ain atu liu, so iha de’it mak ponte karreta hodi liu, depois obra ne’e implementa sira modifika tiha hodi aumenta tan dalan ema la’o ain hodi liu.

Supervisor ba obra ne’e hateten ponte ne’e bainhira remata kompañia sei kontinua nafatin manutensaun ba ponte ne’e. Enkuantu ponte ne’e konstrui hosi area Citrana liga ba Pante Makasar hamutuk. (BT)