OSSOALA----Xefe suku Osoala preokupa tebes tanba,  TL hahu ukun an iha tinan sanulu resin ona ate agora komunidade iha Osoala seidauk hetan liña eletresidade.“Oras ne’e daudaun ami seidauk sente naroman iha ami nia suku, tanba distribuisaun liña eletresidade seidauk to’o iha fatin ne’e,”dehan nia.

Nia dehan aldeia lima iha suku ne’e ohin loron hetan ona programa barak ne’ebe implementa maibe konaba liña eletresidade seidauk asesu. “Ami mos iha suku Osoala,  atu halo atividade lor-loron difisil tebes, tanba ahi la iha, durante ne’e ami uza deit mesin ketik mak halo ami nia servisu,”dehan nia.

Nia akresenta, maske iha tinan tolu nia laran komunidade uza sistema solar sell hodi halo atividade, maibe iha ninia mandatu ukun ne’e sira halo manual proposal hodi hetan tan apoiu material husi parte kompetente hanesan solar sell ba komuunidade sira.

“Durante ne’e, ami simu ona solar sell husi parte EDTL hahu iha tinan 2013  hamutuk 150 ba kk 153 depois iha tinan 2015 sira fó tan 50 kk , solar sell ne’eba ita nia komunidade sira, maibe seidauk atende hotu. Tanba komunidade barak mak oras ne’e seidauk hetan no numeru populasaun sei barak,”dehan nia. (BT)