DILI----Governu Timor-Leste liu husi Ministeriu Finansas entrega sertifikadu apresiasaun ba operador telekomunikasaun tolu hanesan Timor Telecom, Telekomcel no Telemor. Sertifikadu apresiasaun ne’ebé governu fó bazeia ba apoiu kompañia telekomunikasaun nian hodi apoiu data center no mos centru telephone ba governu liu –liu diresaun Nasional Estatisitika Timor Leste hodi halo levantamentu ba iha Sensus populasaun 2015.

Diretor  jeral Diresaun Nasional Estatistika Ministeriu Finansas, Antonio Freitas hateten razaun interga sertifikadu ne’e tuir kultura Timor-Leste nian. “Ita entrega sertifikadu ba iha operador telekomunikasaun tanba ita hotu hatene operador telekomunikasaun mos involve mos iha census populasaun 2015 liu –liu ajuda kona-ba data center nomos call center, sertifikadu ne’e hanesan jeitu apresiasaun (penhargaan ) ida liu –liu sira ne’ebé mak durante ne’e involve an iha Sensus 2015”, dehan Antonio ba BT iha Otel Timor kuarta ( 21/10).

Nia afirma katak sertifikadu apresiasaun ne’e mos laos deit ba iha operador telekomunikasaun sira maibe mos ba iha entidade sira seluk ne’ebé mak durante ne’e involve iha sensus populasaun nian hanesan Universidade sira iha TL, Sentru Nasional Joventude Timor Leste  , Uma kreda nomos Ajensia Internasional. ”Implementasaun Sensus 2015 iha entidade barak mak involve  hanesan Universidade sira liu-liu estudante sira husi ema 5000, porsentu 50% mai husi universidade nomos konselu juventude, tan ne’e mak ohin ita entrega sertifikadu apresiasaun mos ba sira”, katak nia. (BT)