Prosesu negosiasaun kona-ba kadoras hosi kampu mina Greater Sunrise iha Tasi Timor sei la’o nafatin maski la’o neneik liu, tuir deklarasaun governu nian liu hosi sekretariu estadu ba rekursu naturais nian. Maibe negosiasaun ne’e la’o oinsa, no to’o ona iha nebe, ita hotu kestiona no konsidera governu mak hala’o negosiasaun ne’e la ho malorek ka transparansia.Iha mediu fulan Janeiru liuba governu fo deklararasaun ida katak ita seidauk lakon kadoras atu dada mai Timor Lorosa’e. Deklarasaun nebe hato’o liu hosi Sekretariu Estadu ba Rekursu Naturais Alfredo Pires ne’e hanesan hatudu impresaun katak ita laiha kbiit hasoru governu Australia ho nia kompañia mina nasional Woodside. Comments ()

FFMIta foin hahu Tinan Foun 2012. Iha eventu tinan fahe malu ne’e, ita ema iha mundu rai-klaran sempre selebra ho haksolok no ho esperansa katak tinan foun ne’e bele lori ita hetan rahun-diak iha ita ida-idak nia moris, iha ita nia familia, iha ita nia komunidade, no iha ita nia nasaun.Maski ita haksolok ho tinan foun, la signifika ita haluha total ona tinan tuan nebe liu daudaun.Ita sei hanoin hikas iha tinan tuan nia laran saida mak ita hetan, atu buat diak ka aat, rahun-aat ka rahun-diak.Bainhira tinan fahe malu, baibain ita haksolok kahur ho triste, ita barak mak luun turu tanba razaun oioin. Luun turu ne’e bele signifika haksolok, bele mos signifika laran-susar.

Comments ()

Iha semana ida liuba ministeriu finansa hala’o workshop durante loron rua kona-ba lei aprovizionamentu nebe ministeriu ne’e halo ona reforma ba lei nebe iha ona no durante ne’e aplika. Sira reforma lei ne’e ho razaun servisu ba aprovizionamentu to’o ohin loron sei nafatin sai preokupasaun ba setor privadu sira nebe baibain depende deit ba projetu governu. Governu rasik rekoñese lei aprovizionamentu nebe durante ne’e hala’o sei halo konfuzaun hanesan Ministra Finansa Emilia Pires rasik rekoñese.

Comments ()

Governu konstitusional dahaat hato’o ona proposta Lei Númeru 53/II konaba divida publika nebe bele fo dalan ba governu empresta osan husi pais seluk hodi halo dezenvolvimentu infra-estrutura. Bainhira mosu hanoin atu halo emprestimu, ita iha parte barak mak sente “alergi” ba hanoin deve ida ne’e, sente ba programa ne’e atu halo jerasaun oin mai sei terus responsabiliza utan.

Comments ()