Difikuldade ba emprezariu nasional sira atu labele depende deit ba projetu governu mak problema finanseiru. Alende susar atu hetan kreditu hosi banku, emprezariu sira mos hasoru obstakulu oinsa fo fila osan emprestimu nebe nia jurus (funan) aas maka’as liu to’o 12%. Comments ()

Dala ida tan kona-ba infra-estrutura. Ita sei lembra hela politika governu konstitusional dahaat nian iha tinan 2008 nebe fo prioridade ba infra-estrutura, ate governu iha tempu neba deklara katak tinan 2009 nudar “Tinan Infra-estrutura”. Primeiru Ministru Kay Rala Xanana Gusmao rasik iha tempu neba, iha fulan Abril nia rohan tinan 2008, bainhira vizita traballu ba Jakarta, Indonezia, ba jornalista nasional sira nebe akompaña vizita ne’e, hatete governu iha ona planu atu harii Aeroportu Internasional Presidente Nicolau Lobato Dili no mos Portu Dili.   Comments ()


Bainhira Ministru Estranjeiru Australia Alexander Downer vizita Dili iha selebrasaun referendum tinan ida nian iha tinan 2000 no koalia kona-ba governu Australia nia apoiu ba desizaun povu Timor Lorosa’e nian hakarak ukun rasik an, lider famozu Timor Lorosa’e nian ida komenta hanesan ne’e: “Indonezia foin kebit ita nia kulit deit mos ita sente ona moras, maibe malae (Australia) han ita nia fuan ho aten atu mohu ona mos ita la sente buat ida”. Comments ()

Konferensia internasional nasaun sira frajil post konflitu iha grupu hanaran G7+ iha Dili remata ona iha semana ida liuba. Durante loron rua ne’e, delegasaun hosi nasaun sira G7+ no mos sira nebe sai observador fo hanoin ba malu oinsa bele hakotu konflitu nebe akontese iha ida-idak nia nasaun hodi hala’o dezenvolvimentu ba oin sai diak liu tan. Comments ()


Governu liu hosi ministeriu agrikultura no peska rekoñese katak produsaun agrikola iha tinan 2012 tun. Produsaun agrikola nebe governu uza hodi sukat mak hare no batar. Hare iha tinan 2012 to’o deit tonelada rihun 112 kompara ho tinan 2011 nebe iha tonelada rihun 120. Batar nebe iha tinan 2011 atinji tonelada rihun 148, iha tinan 2012 tun ba tonelada rihun 130. Comments ()