Governu Timor Leste iha fulan 23 Abril liuba, ofisialmente hatama ona keixa hasoru Governu Australia ba tribunal arbitrajen internasional kona-ba tratadu Certain Maritime Agreement in the Timor Sea (CMATS) tanba Governu Australia ladun iha resposta diak ba tratadu ne’e. Tratadu CMATS ne’ebe estabele tuir akordu nasaun rua Timor Leste no Australia iha tinan 2006 to’o ohin loron seidauk iha desizaun final entre nasaun rua. Timor Leste durante ne’e preoukupa maka’as atu sai hosi tratadu ne’e ho razaun ladun fo benefisiu ba nasaun foun ne’e.   Comments ()


Loron 1 Maiu nudar loron ba traballador sira nian. Ba traballador sira, loron ida ne’e konsidera nudar loron santu ba sira rasik. Nune’e kada tinan loron 1 Maiu ne’e selebra hosi traballador sira, no loron ne’e koñesidu ho naran May Day.  Iha nasaun balu Loron Traballador ne’e sai feridau nasional, nune mos iha ita nia rain. Loron ne’e hahu hosi sindikatu traballador sira atu selebra dezenvolvimentu ekonomia no sosial ba traballador sira. Comments ()

Sasan importasaun iha merkadu sa’e ba beibeik. Povu halerik ba bebeik. Ne’e akontese hafoin governu liu hosi politika hatun tiha taxa importasaun ba sasan nesesidade baziku ho lei numeru 8/2008 atu importador sira labele hasa’e folin sasan. Tuir lei tributaria refere, taxa ka impostu ba sasan sira nebe tama 2,5% deit hosi sasan nia folin. Infelismente, lei ne’e labele implementa ho diak tanba sei iha importador nebe malandru manipula tiha sasan folin.

Comments ()

Dala barak povu ezije ba governu tenke tau matan ba povu hodi hadia sira nia moris, iha parte seluk governu mos iha hanoin ho programa nebe sira trasa atu bele servisu no atende haree povu nia moris liu hosi ajudu sira ho tipu servisu, fasilita povu nia servisu ho ajudu ekipamentu no balu mos ajudu ne’e ho tipu fo osan direta atu nune’e povu sira bele hala’o sira nia programa rasik. Comments ()

 

Kadoras hosi minarai-matan Greater Sunrise iha Tasi Timor ninia prosesu negosiasaun la’o nafatin. Durante prosesu negosiasaun hahu hosi inisiu to’o mai ohin loron, Governu Timor Leste no Woodside, kompañia mina Australia nian ne’ebe atu dezenvolve kampu ne’e, ida-idak mantein ninia pozisaun kona-ba fabrika LNG ne’e atu tau iha nebe. Comments ()